مشكورة اختي على هالصور
الفندق مما اسمع حلو وقريب للبحيرة زي ما ذكرتي
حتى كانوا مسوين عرض الغرفة ب150 فرنك بس ... خسارة فاتتنا

لوي فويتون شترفتيني بمرورك ومثل ما قلتي الفندق صراحة وايد حلو
وقربه للبحيرة احلى

بس كم سعر الغرف ...؟؟؟؟؟

إضافة أخرى رائعة منكي
الفندق رائع من الداخل مقابل السعر المنافس جدا
مثل ماتفضلت الأخت لوي فيتون يبدأ سعر الغرفة من 150 فرنك سويسري الى 210 فرنك
مازلت مصر على تحفظي كون المنطقة (seedy) وممكن لأي انسان ملاحظتهم خاصة في المساء
التحفظ الثاني هو المشي 10 دقائق للبحيرة و 15 دقيقة للمدينة القديمة
لكن الموقع ممتاز لمحطة الفطار
ممكن يكون الورويك والرويال افضل موقع كونه بعيد عن شارع بيرن و شارع زيورخ لكن يقع مباشرة على شارع لوزان ويضع كل هذه الأمور قي ظهره
مثل ماذكرت ممكن ان يسكن فيه الشخص كم يوم و لايلاحظ مثل هذه الأمور حيث ان الشرطة مراقبة الموضوع ومحكمة السيطرة عليهن
مشكور على الإضافة واللي تمنينت ان تحتوي على باقي المعلومات الأساسية
فترة السكن
السعر
طريقة الحجز
تحياتي

هذا الفندق اللي كنت ناويه اسكن فيه
بس حسافه ماسافرت
ظروفي ماسمحتلي
ان شاء الله الصيف الجاي

مشكور يا بو عزيز على مداخلتك المفيدة
مثل ما شفت الفندق قريب من البحيرة ما حسيت انه بعيد ابدا بالكثير 5 دقايق
اما المنطقة اللي حولينها لاباس فيها شفنا اشياء في اول يوم لنا لكن غيرنا طريقنا للفندق في الأيام اللي
بعدها و ما صادفنا شي ابدا لله الحمد
كان الحجز من 11-14 يوليو الماضي
الليلة 870 درهم والحجز عن طريق مكتب سياحي في ابوظبي

مشكورة اختي عاشقة الرفاهية على الصور
وشكل الفندق مره رايق ونظيف, وحجم الغرفة حلو ,احب هذا النوع من الغرف, لكن بسال عن دورة المياه اعزكم الله هي وحده بس والا مفصوله في غرفتين ..

دار الخير
ان شاء الله تنكتب لج سفرة لسويسرا وتنزلين في فندق احسن منه
ومشكورة على مرورج

الفجر
شرفتينا بمرورج, اما بالنسبة للحمام هو منفصل ,حمام نفس اللي شفتيه في الصورة اما
الثاني ياي عند دخلة الغرفة وفي داخله السيفون بس