السلام عليكم ورحمة الله ..
مرحبا بكم اخواني وحياكم الله ..
هذي بعض الصور لرحلتنا وكان الجو روعه من عقب المطر والغدران اشزينها صارت ..
اول ماطلعت من البيت رايح الشمال كان الجو رهيب والسما ديمة ..

نزلت البر ولا الغدران في الروض والثغايب ..

الثغايب مليانه مطر ..

المطر ولله الحمد كان كثير ..

بعدين رحنا ذيك الروضه وحطينا عنتنا فيها ..

ونزلنا عدت الطباخ ورفيق شاف شغله ..

المكان حلو وحطينا السناح عن البرد ..

والطباخ مشاهد القدر v..

الاشراف على الطباخ ضروري ..

كبسة فروخ حمام ..

تارة يحط البزار ..

وتارة يحط الملح .. وعلى الله ..

بعد ماطبخ الحمام عدل ..

حط العيش عليه ..

اشهد انه ضبط الكبسه .. كبسة لذيذة ..

بعد ماتعشوا الربع معانا راحوا لبيوتهم وتمينا انا وخويي وقلت له الليله مبيت هنا ونزلنا فرشنا ..

بعد ماصلينا الفجر وطلع النور طوينا فرشنا وشبينا الضو ..

واشرقت الشمس ..

حطينا ريوقنا ..

وهذا الهدهد كان ممسي احذانا .. يحليله صديقنا صار ..

انا طبعا رحت مره ثانيه اصور المطر ماطاب خاطري ..

حذفت حصاه وصورتها ..

ان شاءالله تعجبكم الصور ..
تحياتي لكم ..