حلوة المبسم
هلا اختي حلوة المبسم
انتي متى بتسافرين ؟ لان الثلج للحين موجود
فندق السفير بالروشه اختيار حلو ومكانه وايد حلو
انا افضل تأجرون سياره خاصه اذا بتروحون مشاوير كثيره مثل التلفريك وجعيتا وزحله وغيره بس اذا مشاويركم محدوده على مجمعات التسوق وفاريا مااعتقد يسوى تأجرون
واي خدمه احنا حاضرين ؟

هلا روان مشكورة على المساعدة يالبي
طيب سووال
الان لمى اطلع من جدة ع بيروت احتاط باللبس الثقيل لاني ابرد بسرعه
ولا عادي يعني والبرد مومره قوي؟
وعموما باخذ الاب توب معي واكون على تواصل وياكم

1. مرحبا اختي حلوة المبسم...

مرحبا اختي حلوة المبسم...

انا توني من يومين راجعة من لبناان الصراحة الرحلة كانت فضيعه ... رحنا على الخطوط الجوية القطرية سكنا في الكراون بلازا ما حتجنا ناخذ تكاسي أكثر شي مشي لأن شارع الحمرا كل شي فية اما جو بيروت مثل جونا اللي بالخليج في برودته يعني عادي بس لين تروحين فوق يبرد بس فرايا يبيلها جاكيت ثقيل وواقي شمس لأنج بتسمرين هناك اما سووقهم كلش مافي بضاعة الا الشتوي بس الحين بالتدريج قاموا ينزلون الصيفي لأن كلة عندهم سيل ونصيحة لاتروحين الحبتوور موول لأنه مافية شي رحناه وكان الشارع زحمة والمجمع ميت مافية روح تحسفنا انا رحنا هناك ابد وبعيد روحي اي بي سي الأشرفية فضيع وقعدت المطاعم فوق تجنن جنج في أوروبا وروحي ستي مول هو مجمع تجاري كبير والمطاعم اللي رحناها منويلا ومنير اللي برمانه وفي مطعم في الروشه عالبحر ماعرف شسمة بعد اوكيه اما الحلويات فشرينا البقلاوه من عند أمل البحصلي ومعمول الفستق عندها طعمة لذيذ والموالح شريناها من عند قوديز اللي بالفردان وانا من رايي اذا بتطلعين اجري لج سيارة اوفر من التكاسي هاي بس في الأيام اللي بتروحين فيها رحلات مثلا فارايا اوجعيتا او التلفريك او جبيل واذا تبين اسامحي محلات للمجوهرات قولي لي ...انشالله اذا كان عندي وقت راح أنزل صور اي نسيت أقولج ودي معاج مظلة يمكن تمطر عندهم لأن فنادقهم مش نفس أوروبا تعطي مظلات ولا تودين معاج ملابس نوم ثقيلة لأن مافية تكيف والغرف تستوي حر خير شر ماتقدرين تفتحين المكيف ومافية درايش يعني فليل تفطسين من الحر ولين تقولين لهم حر يقولون لج هاي نظام الفنادق في الشتا عندهم
واي استفسار انا حاضره..

الله يسعدكم معلومات رهيبه
موني يسلموو يالبي
بالفعل كلامك حلو
واانا كنت مخططة اخذ شتوي كويس نبهتيني
انا ابغى ااعمل شوبيغ مرتب وابغى هوت كيتور
يلا مشكورة على المساعده

اهلين
اختي الكريمه ( حلوة المبسم)
اشكر لكي اعطائي الثقه بالاستفسار وان شاء الله اوفق في اعطائك الصوره الواضحه
بالنسبه لفندق السفير فهو اختيار موفق لما يتمتع به هذا الفندق بمزايا حلوه .
واقترح عليك استأجار سياره بسائق تكون تحت طلبك بأي وقت وتذهبين بها الى اي مكان
بخصوصيه وامان اكثر من سيارات الاجره .
اماكن التسوق كثيره مثل ستي مول (جيان) بالدوره على طريق جونيه. مجمع تجاري متكامل جديد وكبير وفيه اغلب الماركات وكفي شوبات وسينما وملاعب اطفال .
abc الاشرفيه مجمع حلو فيه جميع الماركات ومطاعم وسينما .
مجمع فردان 732 ومجمع فردان 730 وفيها ماركات ومقهى اموري واستاربكس الفردان.
شارع الحمراء ولاكن يغلب عليه الماركات المقلده وليست الاصليه /والصناعات اللبنانيه والتركيه وغيرها.
abc فرع الضبيه يقع على نفس طريق جونيه .
موسم الثلج مازال حتى الان لم ينتهي يبي يمديك عليه ان شاء الله وهذي فرصه لكي بتوديع الثلج
قبل انتهاء موسمه الحالي .
اتمنى لكي اقامه ممتعه في لبنان .
تحياتي ،،،،،

انا اليوم مسافرة باذن الله
ادعو لي
ولو احتجت شئ بدخل واكتب لكم
صقر بيروت جاني خاص منك بس مايفتح ليش؟
يلا مشكور اخوي

تروحين وتردين بالسلامه انشالله

اهلين
معك السلامه ان شاء الله
بغيت ارسلك رقم السائق حسن لانه يقدر يجيب لك تخفيض 40% تقريبا على فندق السفير .
لانك قلتي انك تبين تسكنيين فيه . او اذا بدك سياره او شوفير .
لاكن تجدين رقمه في موضوعي /ماذا تريد ان تعرفه عن لبنان _ صفحه (11) .
رحله سعيده واقامه ممتعه في بيروت .
تحياتي ،،،،،