ياهلا وجدان
1/ اول شي بسأل عن امااكن الاوتيلات الي حجزنا فيهاا هل مواقعها كويسه وقريبه من الاسواق والعالم ولا لا
بانكوك:اول ليله فيBAIYOKE SKY
فوكيت : الهوليدي ان
بانكوك : 3 اياام في سوفيتيل سيلوم بانكوك
بايكوي سكي حلو ويعتبر اطول برج في بانكوك
ولاكن ليش اخترتوه
واذا كان على اول يوم مو مشكلة ، اختيار موفق .
هوليدي ان بوكت ( رائع ) موقع وخدمات
سوفيتيل سيلوم قريب من الاسواق
وعندك هوليدي ان والانتركونتننتال برضو قريبين من الاسواق والمجمعات
2/ الي قد جرب هالاوتيلات هل فيها نت ولالا ؟
كلها فيها نت ، والحسابة بتحسب
3/ الطيران من بانكوك الى فوكيت لسه ماحجزناا وش الافضل من هنا عن طريق النت نحجز ولا من المطار وياليت اعرف السعر حق التذاكر ؟
من النت او من هناك مو مشكلة ، ودامكم عائلة احجزو من هنا كل شي وريحو بالكم
وسعر التذكره تقريباً 100 دولار ذهاب وعودة ممكن تزيد شوي حسب سعر صرف الدولار ...
وايضاا بسأل عن التاكسي وش الافضل ناخذه من جوا المطار ولا من برى ؟
كونكم عائلة ، أنصح بأخذ تكسي من المطار ، اتذكر سعره 600 بات تقريباً يعني 60 ريال
أفضل وأضمن
لان مرة اخذناه وصاحبي نسى الجوال بالسيارة ، ولما نزلنا الفندق ، تذكرنا الجوال واتصلنا بالشركة من خلال الفاتورة اللي كانت معنا ، ورجعو لنا الجوال
ولو كان تكسي من برى المطار مادرينا عنه .
4/ سمعنا عن الاكل الفاست فود ماك- وكنتاكي والخ مو حلال واحنا يالبنات مانحب السي فود هل فعلا هالكلام صحيح ؟
واذا صحيح انقذوناا وش ناكل هناك
الأكل الحلال منتشر وبكثره ، وفي مطاعم الفاست فود العامل يخبركم بالأكل الحلال
في ماكدونالدز بوكت ، طلبت وجبه وأفادني الموظف انه ليست حلال حيث تعرف على شكلي أني عربي مسلم ،
ودلني على الوجبات الحلال
والله أعلم ، وترى السي فود زين هناك لايفوتكم
برضو فيه مطاعم عربية كثيرة جداً فيها مشويات وحركات يعني ماراح تضيعون بالاكل
بالنسبة كنتاكي يستخدمون بهارات شرق اسيا ، وما انصحكم بالاكل فيه
عندكم مطاعم البيتزا والمطاعم الايطاليه منتشره في بوكت واكلها لذيذ جداً
5/ الحين نبي نصور ونتميلح فيه استديوهات تصوير هناك حلوه الي يعرف يعلمني وين بالضبط وياليت الي يصور تكون صبيه عشان ناخذ راحتنا
اذا رجعتو ديرتكم صورو في الاستديو على كيفكم
هناك خلو تصويركم سياحي للاماكن اللي تروحون لها للذكرى
صدق فاضيين
5/ الرحلات البحريه الي فوكيت وش الافضل من وين ناخذهاا من الاوتيل ولا من المكاتب السياحيه؟
الوالد مايحكي انجليش واحناا يالبنات مانعرف نكاسر يعني ممكن انهم ينصبون ويضربونا بالاسعار ؟
وياليت الي جرب مكاتب سياحيه في فوكيت واسعارها كويسه يعطينا اساميها ومكانها بالضبط يكسب فينا اجر
تاخذون الرحلات السياحية من الاكشاك اللي على الشاطئ ( الباتونق بيتش ) اللي بتسكنون فيه
ارخض من الفندق ، وتاخذون الفاوتشر ويوم الرحلة يجيكم الباص الى الفندق ياخذكم ...
والاسعار تتراوح حسب الرحلة والشركة ، ولازم تاكسرون
اذا قال هالكثر قولو لا غالي وراح ينزل لكم شوي شوي
6/ الحين بالاخير بنشتري وبنتقضى وبتمتلي الشناط
السؤال كم يحق للشخص الواحد ف الشحن ؟
سمعت ان لكل شخص شنطتين صح هالحكي ولالا
والله ماني متأكد
بس ممكن كل وحده شنطه كبيره وهاند باق تركبها بالطياره معها ممكن تفيدها .
سفرة موفقة .

انا في الخدمه قدر الاستطاعه
انصح بالهوليدي ان سيلوم في بانكوك.
الهوليداي ان في فوكيت ممتاز.
الرحلات كثيره في فوكيت انصح باخذ جوله على الاكشاك الموجوده هناك وسوف يكون هناك اختلاف في الاسعار.
بالنسبه لحجز الطيران الداخلي انصح با الطيران بانكوك انا جربته في الصيف وكان مميز والافضل الحجز من بدري لعدة اسباب :1-ارخص 2-خيارات الوقت اكثر.
انصح بازيارات شنغماي برنامج ممتع للغايه**********
اي خدمه اخره اناجاهز (لاتنسو الاسواق المميز هناك اي معلومات انا مستعد)