مرحبا اخوي
موقع المعهد http://www.uic.edu/depts/tie/
المعهد سبق ان درست فيه وهو ممتاز واخبر عدد الخليجيين مانتجاوز ال 8 .. عدد المستويات 5 وكل مستوى تقريبا ثلاث شهور وصراحة المعهد ماعليه كلام جدا ممتاز هذا من واقع تجربة
بالنسبة للمدينه فهي حلوه وصراحه كنت مرتاح بوجودي فيها . الشي اللي يبعد اغلب الطلاب اهو ان معدل غلاء السكن اكثر من المدن الاخرى يعني لو تبي تسكن في الداون تاون يطلعلك من 1500 الى 2000 لشقة من غرفتين في احد الابراج واللي يميز السكن في الابراج ان كل شي تحتك من مطاعم واسواق .. المواصلات ممتازه وماتحتاج الى سياره .. الامان الحمدلله ماحسيت بشي ايام وجودي لان المنطقة اللي كنت ساكن فيها هي الداون تاون وكنت مرتاح وبالنسبة للاجرائم تكثر في الضواحي الجنوبية للمدينة اما الداون تاون وشمال المدينه امان .. اذا كان السكن تشوف انه غالي تقدر تاخذ سكن بالضواحي الشمالية للمدينه وهذي تبعد عن موقع المعهد حوالي نص ساعه في القطار ..
اتمنى اني وفقت في الاجابة
تحياتي

الله يعطيك العافية اخوي
انا عندي الخيار اني اغير الجامعة
تنصحني اغيرها ..؟؟
يعني ابغى معلومة عن الجامعة نفسها من باب المروونة
بانتظار ردوودكم

والله الجامعه قويه وحلوه .. الاساتذه كا اغلب جامعات امريكا يحبون المساعدة خصوصا للطلاب الدوليين اما اذا تقصد المرونه ان الاساتذه يمشون الواحد ويرفعونه فالعلامات فا انا اقولك اخوي نصيحة لوجه الله اذا لك نية تاخذ شهادة وعلم ابعد عنك هالنظره واذا حاطها في بالك غير الديره وروح بريطانيا او استراليا افضلك

شيكاغو موجود فيها اقوى الجامعات الامريكيه ,,,انا بدرس بالداون تاون وساكن بالوست سايد .....واحلا من هها ما شفت