- ندخل بالموضوع ,,,,,,,,,,,,
- اخيرا نصائح لكم,,,,,
السلام عليكم ورحمه الله وبركاته
كيفكم اصققاي ( ان شاء الله كويسين)
انا ضيف جديد على المنتدى وان شاء الله موجه بتاريخ 12/7 /2008 الى لندن وبورمث بالتحديد(عشان كذا بشغلكم بلاسئله عن المدينه والمعهد اللي انا فيه بمواضيع ثانيه ) الله يعينك مشرفنا ملبورن وباقي الاعضاء
ندخل بالموضوع ,,,,,,,,,,,,
انا كنت يوم الثلاثاء بالسفاره البريطانيه بالرياض , والحمد الامور اوكي وقالو ارجع لنا يوم السبت عشان استلم الجواز ( يعني الفيزا يبيلها 4 ايام بس ) هذا بالنسبه لفيزه الطالب مدري عن السياحه
طلباتهم ,, يطلبون من الطالب جواز سفر باقي على انتهائه اكثر من 6 شهور + صوره مكشوف الراس (لازم مكشوف الراس ) + قبول المعهد + كشف حساب من البنك + تذكره السفر + تعبئه نموذج السفاره + 520 ريال ( + 150 اذا تبي خدمه الvip يعبون هم لك النموذج واسرع بكثير )
الموقع ,, السليمانيه , شارع الامير ممدوح بن عبدالعزيز ,اسواق السليمانيه التجاريه الجديده
تعال من خلف الاسواق والله يعينكم لان ماراح تحصولون موقف للسياره المهم داخل المجمع وبالدور الثاني راح تحصلون السفاره كنها شقه عزابيه من بياختها
اخيرا نصائح لكم,,,,,
انصحكم تروحون مبكريين مرره واحسن من الساعه 9 صباح ,انا كنت بالسفاره من الساعه 11 وجلست الى الساعه 4 العصر يعني خمس ساعات عشان كنت متأخر ( بس اكيد مو كل الخمس ساعات جالس بالسفاره طلعت للبيت من الساعه 1 ورجعت على الساعه 3 ) , وبعدين ترا من بعد الساعه 2 ما يرضون يدخلون احد يقولون السستم معلق (عشان كذا تعالو مبكر احسن لكم)
فيه موظف بكاونتر 4 (يلبس نظاره و نحيف وكنه سعودي ) انصحكم تروحون له لو طلع رقمك على غيره صرف ورح له اهو لأنه من جد بطران ,تخيلو هو تقريبا الوحيد اللي يتكلم عربي كويس وغير كذا كنت مقدم النموذج ومعبي صفحتين بس من اصل 21 صفحه , ماقصر اهو كمل الباقي ولو انه نصف الصفحات مالها داعي يعني جلس يعبي فيها خمس دقايق بس ,ولما جاء المدير يشوفوهم وهم يشتغلون تخيلو خبا النموذج قلت له ليش قال اصلا ممنوع نعبي النموذج لأي شخص اللي يبي يعبي النموذج يروح لخدمه الvip , يعني الرجال خاطر بوظيفته وخالف الانظمه غير كذا انا كنت ناسي كشف الحساب ولما طلبت منه يبمشيها بدون ضمان مالي رفض اول شئ بس بعد محاوله ثانيه اقتنع بس قال يمكن مايفيزون لك الا بكشف الحساب اذا صار ماصار بيتصلون علي عشان ارفق لهم كشف الحساب قلت مو مشكله .
ان شاء الله ماطولت عليكم ,واتمنى اني كذا قدرت افيد اي شخص مقدم على الفيزه ,,,,,,,
هذا المعلومات الي نبيه من زمان.....
بس كشف الحساب يعني كم يبون فيه تقريبا...
وغدين ان شاء الله اقضي منهم السبت.....
يعطيك العافيه عموا...
/_/_/_______________________/ام