Mrs_albrahim
24-07-2022 - 05:05 am
كل عام وانتو بخير....
علمت لكم تقرير بسيط جد عن صباح ثاني يوم العيد... ان شا الله يعجبكم...
قمت الساعه 8 الصباح ... ماعرف وش اسوي؟ دورت احد في البيت...لقيت اخوي واختي قايمين... قلت وش رايكم نروح نفطر!.. عاد انا اقدر وجبه الفطور مرره..
المهم..انا حامت كبدي من ستار بكس ودكتر كيف... كنت مشتهيه شي غير السنادوتشات... المهم.. اخوي قال نروح واتر ليمون اللي بالتحليه...لقيناه مقفل! بعدين قلنا نروح صحارى... نفطر في كافيه سيراميك..
هذي صورت طريق الملك عبدالله ...فاضي ((ياريته دايم كذا))
طبعا كافيه سيراميك...مره حلو..يفتح الساعه 9ونص الصباح.. وفيه فطور...قهوه... وجبات خفيفه...
وهذي صوره الكافيه.. هو عند بوابه 6 في مول صحارى.. وكان من المطاعم شبه المفضلة عندي في الامارات...وعلى الطلب فيه رسوم خدمه 15% على ما اعتقد او 12%....
هذي فرش رسم بعدين بقولكم ليش!! ... و هذا اللاتيه اللي طلبته اختي
طبعااً انا فيه مكان مهم عندي ... اذا صلح .. فمعناه ان المكان صالح كله في نظري الا وهو دورات المياه اللي يكرمكم... واقدرها اذا كانت على مستوى.. وصورتها لكم
طبعاً بعد ما غسلنا ايدينا استعداد للاكل... وهذي صوره افطاري وصوره افطار اخوي... اومليت يمي احلى شي للفطور
طبعاً اكيد معظمكم فاهمين فكره مطعم وكافيه سيراميك... انه الاواني هذي الموجودة عندهم في الكبتات هي عباره عن اواني خزفيه.. تشتريها وترسم عليها اي رسمه او تكتب عليها اي شي بالفرش الموجودة على الطاولة و بألوان هم يعطونك اياها وبعد كذا يحطون لك الانيه داخل الفرن عشان يجمد اللون وتاخذها كذكرى..
وآخر شي حلينا ب كريسبي كريم... اللي كان عندهم زحمه مو طبيعيه... واللي انا كنت انتظره بفارغ الصبر.. بصراحة حلو وسعر حبه الدونت ب 5 ريال.. وجبنا لأهلي زيادة لانهم كانو صايمين عشان يذوقونه
وان شاء الله تقريري البسيط اعجبكم... للمعلوميه تراني حطيته اليوم في منتدى عائلي قبلكم
شكراً لك أخي