مشاعر طفل
23-05-2022 - 06:36 pm
السلام عليكم
بغيت شوركم
ان شاءالله رحلتنا الأحد بتاريخ 4سبتمبر..الاقلاع 6وربع المغرب بتوقيتنا
يعني نوصل كوالا 5سبتمبر يكون 8 ونص الصبح بتوقيتهم.. يكون يوم اثنين
كان تخطيطي ناخذ تاكسي الى فندق برميد ب سلانقور..واول يوم نريح للظهر .. والعصر نتسوق ونتعشى وننام بدري
واليوم الثاني اللي هو الثلوث نروح لملاهي الصن واي..لكن اكتشفت انها مسكره هاليوم..ابو النحاسه
تلخبطت خطتي..وحرام أزوّد يوم بسلانقور عشان الملاهي..
وش رايكم اجل اول مانوصل ابدل خطتي من سلانقور الى لنكاوي او بينانق ..بالطياره طبعا.. قولوا لي عشان اعدل تواريخ الحجز
يعني كذا خط السير زين؟
الرياض- لنكاوي-بينانق-كاميرون-سلانقور-كوالا
طيب نروح من كوالا للنكاوي طيران
ومن لنكاوي لبينانق طيران
ومن بينانق لكاميرون باص او تاكسي
طيب من كاميرون كيف اروح لسلانقور؟
او لازم اروح من كاميرون لكوالا بعدين سلانقور؟
شوروا علي لاهنتوا زوجي مشغول وكل التخطيط علي والله..
شكرا,,
وإذا فاتتكم الرحلة الداخلية راح تنلطعون في المطار بانتظار رحلة أخرى لعدة ساعات
وأيضا راح توصولون مرهقين جداُ لكولالمبور فكيف يكون قدامكم رحلة محلية أخرى قمة الإرهاق والتعب
لذا أنصحكم بالبديل الأمثل للصن وي لاقون وهو بورت ديكسون قريبة من المطار 45 دقيقة تبيتون فيها أول ليلة في منتجع ذا ليجند فيلا بمسبح داخلي آخر روعة واستجمام بعد عناء السفر وثاني يوم بعد الظهر تطلعون على لنكاوي ويصير خط سيركم كالتالي:
الرياض - كوالا - بورت ديكسون - لنكاوي - بينانج - كاميرون - سلانقور - كوالا
بالنسبة للمواصلات خطتك ممتازة
من كاميرون باص إلى كوالا وإذا نزلتوا في محطة الباصات تاكسي ب 40 رنقت إلى الصن وي في سلانقور نصف ساعة
للمعلومية سلانقور وكوالا كأنهم شيء واحد هما لصيقتين لبعض المسافة من الصن وي لاقون في سلانقور إلى البرجين أو شارع العرب في قلب العاصمة كوالا 30 دقيقة بالتاكسي