اخوكي على اقرب مكتب حجوزات واحجز وتوكل على الله الامور عال العال ويحسبون الف احساب حق كبار السن والمعاقين والمرضى موخبرك نفس بعض الدول
المهم وكل مكان امك تقدر تروح ماعليها شر وبتستانس وبتدعيلك والديره ترد الروح
بس اختار وين بتروح بتايلاند بانكوك كلها اسواق روح بوكت حلوه وعلى حسب الفتره اللي بتقضيها هناك
موفق اختك ليمونه حزينه

بارك الله فيج اخيتي والله يعطيج العافيه ومشكوره وممنونه والله يوفقج وهذا العشم ببنت ديرتنا
يا شباب يعني اعقلها واتوكل واخذ الوالده يا شباب الوالده صعدتها ونزلتها اتعب يعني ما تنزل من الول جير الا بصعوبه

يالربع وينكم بارك الله فيكم اتمنى ردودكم

يا شبااب للرفع ابي راي خبيريين تايلند ينصحوني بالروحه وتوسيع صدر الوالده ولا لاء

سؤال :
انت معاها بس?
يعني شخصين فقط

nayef bahraini
لا والله باخذ وياي المرا مرتي

اخوي توكل على الله طيعني وونس الغاليه وحلوة اللبن وكل المجمعات فيها لفت الاصنصير بالكويتي
يعني ان شالله مافي تعب

kuwety2
أي جذي مافي مشكله ، عبالي بتروح معاها بروحك
كنت باقولك مايصلح لكن اذا زوجتك معاكم أوكي
وتوكل على الله
بس بانكوك وين بتتمشى معاها ، كلها أسواق
بالنسبه عن بوكيت انه ما رحتها لكني باروح ان شاء الله الشهر الياي
ولا اقدر أقولك اذا تصلح او لا

الله يسعدك يارب ويوفقك والله الله في امك يالغالي
بالنسبه للسفر وأمك معاك مقعده والله ماادي ايش اقوللك لكن ترى الا مور ميسره وكل شي طيب وتقدر تروح فيها اي مكان في تايلاند
ومافيه خوف ولاشي بالنسبه للرحلات السياحيه اليوميه لابد من سياره خاصه فيكم
يعني تحجز الرحله اليوميه مثل سفاري او للحدائق او ..... الخ
وتضيف اليها سياره خاصه لانه بيكون عليك صعوبه ترك واللدتك الله يخليها لك في باص القروب
وبيكون فرق رسوم بسيطه على الرحله وهي سياره برايفت
واذا قدر الله ورحت لبانكوك احجز قريب من المجمعات يعني تقدر تروح مشي للمجمعات مثل ام بي كي وسيام برادقون ونراها جنب بعض
وكثير الفنادق اللي جنبها لان القطار صعب جدا تروح فيه لانه على سلالم غير متحركه وماشفت اصنصير فيه ماادري او بالاحرى مااحتجته لكن
العالم الله انه مافيه اصنصير
فيه رحله حلوه ان شاءالله انها تبسط امك وهي العباره اللي تمشي في النهر الجراند حلوه جدا طبعا في بانكوك
في الاخير مااقول الا عسى يوفقكم ويستر عليكم
وعسى عيالك يبرون فيك مثل مابريت في امك
تحياتي