نشر في كوانزو

شو رايكم في سعر التذكرة

دجى الليـل

01-10-2022 - 11:48 am

السلام عليكم ورحمة الله وبركاته
ان شاء الله ناويين نسافر الصين كوانزو بعد العيد بتاريخ 4-9
انا وزوجي والبيبي ..
حصلت سعر تذكرة طيران الامارات ب 3600 للشخص والبيبي 390
شو رايكم .. احجز من الحين ولا اصبر شوي ..
والجو شو بيكون في شهر 9....???
في اي مشكله لو شليت البيبي ويانا ???
وهل الاماراتيين يحتاجون فيزا ???
وشكرا

التعليقات (9)

جريح القلب

01-10-2022 - 02:17 pm

مرحبا بولد بلادي ,,
انا حجزت على الكاثي باسفيك ب 2500 للنفر بس تمر هونج كونج ترانزيت ,’, في شركات صينية ارخص بعد ممكن تلقاها ب 2000 ,,
بالنسبة للفيزة نعم حق الاماراتيين يحتايون فيزة ,, روح للقنصلية في دبي .. على شارع الشيخ زايد بدبي ,, بس تعبي الابلكيشن ,, وتاخذ 4 ايام لين ماتطلع ب 150 ,, طلبوا مني حجز الفنادق والتذاكر ,, بس قلتلهم بيبها عقب يوم بستلم الفيزة ,,
بالنسبة للجوو السموحة ماعرف ,,

بدر القصيم

01-10-2022 - 03:18 pm

الجو يكون أفظل من الآن ليس برد ولا حر جو معتدل مع نسبة امطار وجو مناسب فعلآ !!
وبالنسبه للخطوط نصيحة القطريه افظل بمراحل ومن خلال تجربة انقل هذا الكلام ... لكن بما انك بالإمارات ممكن تكون اريح مباشره !! والسعر تقريبآ ثابت وممكن إذا قربت الرحله ينزل انا اطلع من السعوديه بسعر 3350 وتقريبآ ثابت السعر ينزل 100 او يزود 100 !!
هذا حسب علمي ولك الخيار ورحلة سعيدة بإذن الله .

Bu5ale

01-10-2022 - 04:19 pm

احتمال يزيد وارد لأنه فترة ما قبل المعارض وهي الاقرب إلى الناس الي بيسيرون سياحه ..
يعني في شهر 10 بتغلى أكيد ..

دجى الليـل

01-10-2022 - 05:20 pm

مشكورين وما قصرتوا
سوري بس الكاثي باسفيك طيران اي دوله ???

بدر القصيم

01-10-2022 - 06:22 pm

طيران الصين ويطلع هونغ كونغ مباشره .

دلال كويتي

01-10-2022 - 07:23 pm

وانا بعد ودي اعرف الارخص
لاني افكر اروح شهر11 اول نص شهر1
ادي المده بعيده -- بس لظروف خاصه جدا أجلت كل شي
وانا اصلا كنت فيها شهر10

الاستيراد تخصصي

01-10-2022 - 08:24 pm

الخطوط السعوديه من الرياض مباشره الى جوانزوا 2400 ريال بس لازم الحجز مبكر وعليها شروط بالنسبه للتغير او الإلغاء يعني تصلح للي عارف او متأكد من جدوله ..... بالنسبه للطفل أنا عندي قاعده الاطفال الاقل من 4 سنوات مايصلحوا بالسفر

دلال كويتي

01-10-2022 - 09:25 pm

مرحبا اخوي
سعر التذكره بصراحه خيالي -- بس ما اتوقع بهذي الفتره ؟؟؟
لكن لوباخذها من الكويت طبعا غير
راح تكون -- كويت الرياض جوانزو

adol488

01-10-2022 - 10:26 pm

خذي هالرابط وادخلي اي دوله تروحين لها والتاريخ ويطلع جميع الخطوط وارخصها
نصيحه هالسعر اللي خذتوه والله غالي مره خاصة ان الحجز بعيد شوي
ومن الامارات يفترض ارخص بحكم مطار دبي الرحلات كثيره
http://www.cheapoair.com/

كوانزو المسافرون العرب

شو رايكم في سعر التذكرة