السلا عليكم ...
صباح الخير
ان شاء الله انكم
فالبداية احب اني اشكر جميع الاعضاء بدون استثناء على المجهود القوي اللي يدعموون به العرب المسافرون بكل المعلومات من وإلى ..
اخواني .. بعد مرور اكثر من شهر ومن خلال مشاهدتي لأغلب مواضيع رحلات الأخوان صار عندي معلومات شبه كافيه للنمسا والمانيا مع اني سبق واني زرتها ولكن في عام 2000 ميلادي..
ان شاء الله في صيف 2008 بيكون حفل الزواج وقلت لازم شهر عسل يكوون مميز وفي جو بارد
انا بديت برحلة البحث والاستفسار في عدة مكاتب في العاصمة ابوظبي البعض رد علي بالعروض والبعض الأخر ما زلت اتريا ردهم ...
عالعموم انا اعرض عليكم 3 عروض مبدئية ..
السفر راح يكون في شهر 7 ميلادي
الطيران راح يكون على الأمارات مع اني كنت افضل الاتحاد لقرب المطار ولكن الاتحاد ماتسير فيينا
جاهزين
افا ليش ؟؟؟؟؟؟
يله ماعليه بطوفها
العرض الأول :
دبي --- فيينا
ميونيخ --- دبي
ليلتين في فيينا في فندق Grand Hotel Wien
3 ليالي في زل ام سي في فندق Grand
ليلتين في ميونيخ في فندق Munich Marriott Hotel
طيران الامارات + شامل تذاكر القطار من فيينا الى زل ام سي .. ومن زل ام سي الى ميونخ
السعر : 19440.00 درهم اماراتي
العرض الثاني :
ليلتين في فيينا في فندق Le Meridien Vienna
3 ليالي في زل ام سي في فندق Grand
ليلتين في ميونيخ في فندق Le Meridien Munich
طيران الامارات + شامل تذاكر القطار من فيينا الى زل ام سي .. ومن زل ام سي الى ميونخ
السعر : 17810.00 درهم اماراتي
العرض الثالث :
ليلتين في فيينا في فندق Marriott
3 ليالي في زل ام سي في فندق Grand
ليلتين في ميونيخ في فندق Le Meridien Munich
طيران الامارات + شامل المواصلات من المطار الى الفندق ومن الفندق الى محطة القطار والعكس
السعر : 18490.00 درهم اماراتي
العرض الرابع :
3 ليالي في فيينا في فندق Inter Con (انتر كونتيننتال )
3 ليالي في زل ام سي في فندق Grand
3 ليالي في ميونيخ في فندق Le Meridien Munich
طيران الأمارات = 3000 درهم اماراتي
+ تذاكر القطار = 1500 درهم اماراتي (درجه اولى)
+ المواصلات = 1100 درهم اماراتي
السعر : 16970 درهم اماراتي
الخلاصة :
ابي شوركم في الفنادق والاسعار ..
واذا حابين تضيفون اي شي يسعدني ذلك..
وهل افضل اني اخذ باكج شامل مع تذاكر القطار والمواصلات او لا
العرض الاول والثاني والثالث من سفريات راقية والعرض الاخير من سفريات جيدة ومعروفة بأسعارها المتميزة
واسف على الاطالة .. واتمنى اني قدرت اوصل فكرتي لكم بالشكل الصحيح
واسموحه