هلا فيك أختي بالمنتدى معانا .................... والله يخلليلك أبو العيال والعيال
أنا أشوف وصولكم إلى ميونخ أول شي أفضل ............ ثم زلمسي وسالسبورغ
بعدها الى ستراسبورغ .............. وبعدها إنترلاكن ........... وبعدها جنيف وما حواليها ......... واخيرا باريس
واي سؤال أنا حاضر

هلابك اختي انا ابي نفس تخطيط لاربع دول ههه
لكن ليه الغيتي فينا روعه جدا انا افضلها على جنيف
ممكن كذا اسئله
حجزتي اولا؟
وعلى اي خطوط وبكم التذكره
ومتى السفر
لان عندنا بالسعوديه قفلوا رحلات فينا وميونخ وسبب لنا ضياع
بصراحه تشتت مخي
لاني دخت وانا افرفر بالمنتديات الاقي جدول مضبوط

1. ميونيخ 3 ليال (تسليم السيارة وبعدين طيران داخلي ......... )


2. واخيرا باريس ( ديزني لاند والشانز و....... )

المخطط هو ......... بسم الله الرحمن الرحيم
طبعاً الدول اللي بنزورها باذن الله : ألمانيا ، سويسرا ، النمسا وفرنسا
المسافرين : مثل ما قلت أنا وزوحي واطفالي الثلاثه أعمارهم 7 ، 4 ، 2 ونص
مدة الرحلة : 27 يوم
الهدف من الرحلة : التغيير في الدرجة الاولى ، والاستجمام والاستمتاع بالطبيعه ومتعة العيال فديتهم وطبعاً التسوق .
وسيلة التنقل : سيارة مستأجرة ...
والجزء المهم المخطط ......
فرانكفورت 4 ليال
يورب بارك ليلتين ..
زيورخ 4 ليال
انسبروك 4 ليال ..
زيلامسي 5 ليال

ميونيخ 3 ليال (تسليم السيارة وبعدين طيران داخلي ......... )

واخيرا باريس ( ديزني لاند والشانز و....... )

السلام عليكم اول شي عليكم بالعافيه مقدما وبس حبيت اعقب على شي ترى فرانكفورت وايد عليها 4 ليالي واصلا مافيها شي يسوى حتى لو ليله انا من راي انج تروحين من فرانكفورت على طول مدينه مطله على بحيره اسمها تي تي سي تبعد عن فرانكفورت ساعتين بالسياره وتبعد عن يوربارك ساعه الا ربع وعن ستالزبورغ الفرنسيه ساعه ونص وعجيبه وهاديه قعدي فيها 4 ليالي وحتى انسبروك وايد عليها 4 ليالي مافي شي بس معرض السواروفسكي والنورد بارك وهذوله تزورينهم بيوم واحد انا بقولج جدول وانتي على راحتج
باريس 4 الي 5 ليالي ( باريس الى تي تي سي 5 ساعات بالسيارت )
بحيرة تي تي سي او استالزبورغ لقربها من اليوروبارك 3 الى 4 ليالي
زيورخ 3 الى 4 ليالي (تي تي سي الى زيروخ ساعه ونصف تقريبا )
زل ام سي 5 الي 6 ليالي ( زيروخ الى زل ام سي 5 ساعات )
فينا لان بنظري ان فينا احلى من ميونخ وسوقها احلى 3 الى 4 ليالي ( زل ام سي الى فينا 5 ساعات )
والايام شوفي الي يناسبكم
وتقدرين تضيفين انسبروك بالنص بين زيورخ وزل ام سي بس مو مدة طويله ليلتين يكفي

نوارةuae
مرحبا أختي
رحلتكم تراها تشبه رحلتنا واحنا مسافرين في شهر 5 ؟؟
وهذه بإذن الله بتكون أول زيارة لي لأوروبا و انشالله بخبرج عن تجربتي بعد مانرد بالسلامة
الله يوفقكم و اتمنالج رحلة سعيدة
آسفة ماقدرت أفيدج بس انشالله في المستقبل

السلام عليكم ورحمة الله وبركاته جميعاً
أولاً انا مستانسه اني حصلت تجاوب
وهذا اكيد مب غريب على أعضاء هالمنتدى الرائع
أخوي ممساح مشكور على الرد
وبصراحه انا خليت ميونيخ في النهاية عشان الشوبينغ
وبعدها باريس عشان ديزني والشوبينغ بعد ...
بس مخططك وايد حلو بعد ويباله تفكير تسلم ........ ومشكور

هلا أختي الريم
مشكورة على الرد ......
أنا بعدني ما حجزت ......
أعرف انه فيينا أحلى من ميونيخ أخوي الصيف اللي طاف راح فيينا وميونيخ وعيبته فيينا أكثر بس أنا ما عرفت كيف أسوي جدول يتضمن فيينا
شو رايج تسوين نفس جدولي وتضيفين عليه أو تحذفين منه اللي يناسبج ......
أختي أم خلووف سفرة موفقه وان شاء الله تستانسين ونتريا التقرير الحلو ورايج بالسفرة .......

هلا والله ب 3e6er alwrd*
صراحه دوخت براسي وخليتني أرد أفكر مرة ثانيه بالمخطط
المخطط جميل ووجهة النظر حلوة ............ خلوني أمخمخ عدل أنا وبو العيال وأرد بجدول يديد ....

الحلوين اللي ردوا علي أو اللي حابين يردون علي وهذا من ذوقهم
اذا خليت بداية مخططي فيينا ونهايته باريس شو رايكم ؟؟؟؟؟؟
صراحه أنا وايد حاولت اضبط الجدول بس ما ينفع
في خاطري اسير في بداية الرحلة مدينه ممتعه فيها حضارة ورقي وبعدين مدينه هادئه وفيها جمال طبيعي ....
وأخيراً مدينه اتسوق فيها ..... عشان جي سويت جدولي اللي شفتوه وتعبت فيه
بس أنا ما استغنى عن خبرتكم وأترياكم .... وأعد الثواني

مرحبا
7ليلة ساضع برنامج ربما يعجبك
3 ليال فيينا
5 ليال زيلامسي
3 ليال ميونخ
5 ليال انترلاكن
3 ليال جنيف
3 ليال الغابات السوداء
5 ليال باريس

• الهبوط من بلدكم الى مطار فيينا والعودة من مطار باريس الى بلدكم
• استقلال القطار من فيينا الى سالزبورغ في الصباح الباكر
• تاجير السيارة من مدينة فريسلانق الالمانية القريبة من سالزبورغ وتسليمها في اخر محطة المانية بالغابات السوداء في اليوم الاخير قبل الذهاب الى باريس
• بعد انتقالكم من فيينا تجعلون زيارتكم لسالزبورغ من الصباح حتى فترة الظهيرة وبعد ذلك تكملون الطريق الى زيلامسي وتستطيعون زيارتها مرة اخرى بحكم قربها من زيلامسي اذا رغبتم ذلك
• عند انتقالكم من ميونخ الى انترلاكن بامكانكم وضع نقطة استراحة في منتصف الطريق وتزورون خلالها شلالات نهر الراين الرائعة و قرية هايدي بحكم مواقعهما الرائع بين ميونخ وانترلاكن وليست هناك مشكلة لو تاخرتم بالوصول الى انترلاكن ولكن يجب عليكم الخروج مبكراً من ميونخ
• المحطة التي قبل الاخيرة الغابات السوداء الالمانية يتم تسليم السيارة هناك بالمانيا وركوب القطار الى باريس للوصول خلال ساعتين ونصف فقط
• راعيت بوضع الجدول الراحة والاستمتاع بالرحلة واعطاء كل مكان حقه وراعيت كذلك ان اجعلها بشكل منسق ومنظم وبالتدريج حتى لا ترهقكم المسافات الطويلة

اخيراً
اتمنى لكم اجازة سعيدة ورحلة ممتعة