السلام عليكم ورحمة الله وبركاته..
أخواني الأعزاء...
أنا متواجد الآن في جلاسكو.. وبرجع البلاد بعد 10 ايام تقريباً..
تذكرة الرجوع عالبرتش ايرويز من جلاسكو - توقف في هيثرو - ابوظبي
اقترح علي ربيعي اني ازور لندن في رجعتي... واني اغير تذكرة جلاسكو قبل بيوم. وأزور لندن ليوم واحد يعني خطافي...
اول شيء سؤالي حد جرب يغير وقت تذكرته عالخطوط البريطانية ويعرف هل بيكلفني هالتغيير؟ وإذا كان نعم كم باوند؟؟؟
ثاني شيء وبسبب زيارتي ليوم واحد للندن فقط.. فانا اشوف انه مايحتاج اخذ فندق خمس نجوم وغالي.. لإني بكون طول اليوم برى .. بس مهم انه يكون قريب من الأماكن السياحية وفي نص المدينة عشان اروح مشي... ثاني شيء لازم يكون مكان آمن لإنه عندي عائلتي.
السعر اللي حاطنه فبالي هو 100 باوند أو أقل..
أنا شفت الفنادق اللي حاطينهن الشباب فالمنتدى بس اكثرهم اما شقق للعوائل ( أنا ما أحتاجهن ..نحن شخصين بس ) أو فنادق خمس نجوم وسعرهن اعلى من ميزانيتي..
حصلت عالإنترنت هالفندق Days Hotel - Hyde Park ولقيته بسعر 85 باوند
وهذي خريطته

وهذي الصور اللي حصلتهن له

من الصور انه نظيف ومرتب... بس مب دايمن الصور تكون مثل الواقع... فياليت اللي جربه او مر عليه وشافه يفيدني.. لإنها اول زياره لي للندن وما أعرف عن فنادقها...
بانتظار ردودكم
وشكراً مقدماً