معلبات ، حليب بودر او سائل معلب ، شاي و قهوه و سكر
اذا بتطبخين عيش و بهارات و زيت ، باستا او نودلز
جبن كرفت (الحديد)
صابون غسيل
سكين
هذي اللي في بالي حالياً

اهم شي سفرة طعام جيبي معاك لانو مو متوفر هنا بالندن
تقبلي مروري

هلا فيج يا أختي الغاليه
تروحين وتردين بالسلامه يا ربي
نصيحه يا أختي تاخذين معاج بس البهارات اللي متعوده تستعملينها أما بالنسبه للمواد الغذائيه الباجيه ودي أقول لج اخذي معج كذا وكذا بس بعض الاحيان في المطار يصير التفتيش وياخذون كل شي يعتبر ممنوع وتعرفين بعض الاحيان الاستاف اللي في مطار هيثرو يتفلسفون وما ودي يا الغاليه اطيحين معاهم وتصير لج خبصه وتوقيع تعاهد وغيره لان بصراحه المواد الغذائيه والاجبان تعتبر من الممنوعات عندهم
وبعدين يا الغاليه اذا فكرتي اتجيبين معك جبن وحليب وغيره حاولي ما تكون بكميه وحاولي تخبيهم بين الملابس ويوم توصلين بالسلامه يا أختي بتحصلين كل اللي تبينه في الجمعيات عندج السانسبيري كل شي فيهاا
وفي المحلات اللي الادجور رودفيها كل شي وحلال بعد
بس الشي اللي ما بتحصلينه وعلى رغبتج هو البهارات بأنواعهاا بالخص اللي تستخدمينها في البلاد وطبعا القهوه العربيه بس الباقي متوفر يا الغاليه
طولت عليج وايد اسمحيلي
اها اما بالنسبه للجو ترا جو لندن ماليه امان يعني الفصول الاربع عادي تشوفينها في نفس اليوم

ما يحتاج تشيلون شيء من المواد الغذائيه كا دام إنكم راح تسكنون قريب من شارع العرب ... لأن فيه بقالات تحصلون فيها كل اللي تحتاجونه كأنكم في بلدكم ....
لكن نصيحه ... إذا إنكم مطولين أكثر من اسبوعين خذوا معكم قدر الطبخ .... عشان تطبخون بالشقه بعض الايام ... واللحم والعيش والنعمه كلها موجوده في البقالات هناك

ما قلتي شكثر راح تقعدين بلندن؟
انصحج لا تكثرين بالوزن
لانج و انتي ماشيه راح يكون معاج وزن كثير من الهدايا و المشتريات
و اكثر اكلكم بيكون مطاعم
و اذا تبين تطبخين ... لا تجيبين الا البهارات
لانه كل شي موجود هني
و جيبي ملابس صيفيه ... و جاكيت واحد ... لانه مرات الجو يقلب فجأه
و حياكم الله

السلام عليكم
ياجماعة انا بعد عندي استفسار
السنه اللي فاتت واحنا بمطار شاردل ديقول راجعين للسعوديه تقابلنا مع ناس من البحرين
يقولون انهم كانو جايبين معاهم كراتين مويه صحه(قوارير)ماء
لان المويه باوروبا ومثل منتم عارفين غاليه جدا
فشرايكم بالموضوع
انا مره مستغربه بس انا افضل نوع واحد من المويه لذلك قمت اوسوس واسأل اذا امكن ناخذه معنا
ردوللي الله يعافيكم من تجاربكم ومشكورين

السلام عليكم ورحمة الله وبركاته
هلا وغلا أختي عنود 20
وحياج الله بين أخوانج وخواتج وان شاءالله اتفيدين وتستفيدين ..
اضم صوتي لصوت الأخوان والخوات ..
إذا بتجيبين فجيبي البهارات بس مع ان المحلات الهنديه عندهم هالبهارات ..
وكل شي متوفر في سبورماركت الوادي الأخضر ..
حتى الجبن والخبز الأسمر متوفر
واي خدمه احنا في الخدمه

القطرى حبيبى اعتقد اغلى سوبرماركت الوادى الاخضر فى اسواق الرسول وايد رخيصه مقابل صالون اظن اسمه الشباب

استغرب منكم
يعني ليش تشتري بغالي و في ديرتها برخيص ؟
هي و هي رايحه خفيفه ماعندها شي تاخذ ماجلتها معاها ( جداً الموضوع عادي )