السلام عليكم ورحمة الله وبركاته ،،، يالله حيهم ..بعد طول تفكير ، تم حجز التذاكر . وجاري استخراج الفيزة ، السفر من : نهاية سبتمبر الى قبل الكريسميس بإسبوع . القصة ومافيها ياخوان محسوبكم عنده اجازة لمدة ثلاثة شهور ، وحبيت اني اسافر هالمدينة كوني اعرف فيها زملاء فلبينيين ، وارغب في تطوير لغتي الانجليزية وزيارة بعض الاماكن السياحية ميزانيتي محدودة ، والسياحة ليست أولوية بالنسبة لي ، اتفقت مع 2 مدرسات خصوصيات وحده منهم تدرس قروب كوري والثانية تدرسني اون لاين من سته شهور واتفقت معها تدرسني ثلاث ساعات شهريا في احد الكوفي شوبات. لغتي الانجليزية متوسطة ومعلوماتي عن cebu sity اكثر من جيدة من شارع كولون لمانجو لايألا ل اوسمينيا وهذه المنطقة الي انوي السكن فيها لان اغلب المدرسات الخصوصيات بهالمنطقة ساكنين .. المهم مالكم بالطويلة ياخوان واتمنى الرد على استفساري .. واجابتي ك شخص غير متكلف مايحب المضاهر يبي مكان آمن ( فيه مطبخ ، وحمام ، وسرير ) وكفى الله المؤمنين شر القتال .جدولي اليومي بيكون 5 ساعات دراسة خصوصيةالباقي مابين الجلسة بالبيت ، والسينما ، والجلسة مع الزملاء الفلبينيين . osmenea blvd , jones aveهل المنطقة هذي آمنة من ناحية السكن ، وكم متوسط الاسعار للايجار الشهري ؟ وماهي المناطق المقترحة للسكن ، القريبة من جونيس افينيو ؟هل الايجار الشهري متاح هل يقبض الفلبينيون مقدم ك أدفانس وسيكيوريتي ؟ ميزانيتي للسكن من 800 الى 1200 ريال شهرياً . بعض الفلبينيين هناك وهنا قالو انه من السهولة احصل بس لازم اروح بالأول ... وأشيك، ع الغرفة او الشقة . ولو لاسمح الله مالقينا فيه عمة زميلي الفلبيني عارضة اني اسكن عندها .. بس انا مخلي هالشيء اخر خيار !!الميزانية كالتاليالدروس الخصوصية بعد الاتفاق مع المدرسات خمس ساعات تكلفني مبلغ بسيط حوالي 600 ريال شهرياالاكل اذا راح اطبخ _ وجبة يوميا_ ووجبة خارج البيت نقول من (ماك او جوليبي) + الا ع الطاري هل هي حلال ؟؟ كم ( تقترح ميزانية للاكل ) . اذا بهالنضام بتكونالمواصلات والتماشي ( كل ويك اند ) نوع التمشية ( التقاط صور ) لاني هاوي تصوير . زيارة اماكن سياحية ، ويمكن بعد شهر انقز بوهول مع الفلبيني خويي ^_* كم تكلفني المواصلات والتماشي؟ شهرياوفي النهاية هل ميزانية بحدود 3300 ريال كافية لما سبق .. لطالب بيدرس خصوصي وبيسكن في سكن عادي جداً ويتمشى تمشية عادية ويحاول يستكشف المدينة لمدة شهرين ونصف ؟ بارك الله فيكم .. والله يفتح على قلوبكم ..ملاحضه : انا لي سنه افكر ازور الفلبين كان التفكير قبل مانيلا ، كانت لغتي جدا ضعيفة اغلب الشباب نصحوني ماجيها ، الحين الحمد لله لغتي متوسطة .. وكافيه بالنسبة لي .. بس المخ ماسكه فيه زيارة الفلبين ، لان حسب ماشفته لغتهم حلوة خصوصا (المدرسات) كوني ادرس اون لاين عند كذا وحده فلبينية ، بصراحه اسلوب تعليمي متعوب عليه وروح جميلة ، واحس ان هالدولة مهضوم حقها .. فحاب اني اروح واشوف على ارض الواقع .. وأرد على استفسارات كثيرين ممن يرغبون تحسين لغتهم ( من اصحاب الدخل المحدود جداً ) . . واسف لوضعي الموضوع في هذا القسم ولكن جزء من استفساري سياحي والجزء الاخر تعليمي فاتمنى قبول الموضوع ، مؤقتا على الاقل قبل نقله .