حياج الله اختي الكريمه .. وان شاء الله مانقصر وياج .. ومبروك الزواج مقدما
اولا الميزانيه ممتازه جدا .. ولو اكتفيت بهذا المخطط ..راح يساعدكم المبلغ بالسكن بأفضل الفنادق ومن فئة 5 نجوم
اما اضافة دوله اخرى فهي باريس اذا لم ترغبون بسويسرا ..
واليكي هذين الجدولين
فينا 4 ايام وسالزبورخ 3 ايام وزيلامسي 5 ايام وميونخ 3 ايام .. 15 يوم
ولو مع باريس نضيف بعد ميونخ 5 ايام فيها .. وطبعا من ميونخ الى باريس طيران داخلي ..
اما بخصوص الخطوط شوفي الامارتيه او القطريه ..
اما بخصوص الحجوزات ممكن تحجزين من النت اذا عندج خبره سواء التذاكر او الفنادق .
وبخصوص الفنادق نرشح لج الافضل وبعدها تحجزين من المكاتب لو ما تعرفين من النت .. وايضا التذاكر .. المكاتب الكثير يحجز منها وممكن انتي كذالك تحجزين منهم .. واحنا نرتب لج الرحلات السياحيه والتنقلات وباقي الامور ..
سؤال ما هي وسيلة النقل تحبون ..؟؟ يعني تبون تأجرون سياره ؟؟ وله المواصلات الاخرى
واحنا بالخدمه

اشكرك يااخ ali_q8_77 على مرورك وردك الكريم
بالنسبه للمواصلات احس انو خطيبي مو حاب فكرة انه يسوق بأوروبا يقول مايعرف شي ومايدل شي ويمكن نضيع
وانا مو مقتنعه بانو نتنقل عن طريق المترو ولاالتاكسي احس ان هالشيء بيكون اكثر صعوبه وقريت انه اكثر كلفه بعد
برأيك ايهما افضل ؟

اذا ما تحبون السياره الوسائل الاخرى افضل داخل المدن ممكن الاتدرقوراوند او التاكسي والباص حق الاماكن السياحيه البعيد عن السنتر .. وكذاللك القطارات بعض الاحيان .. .وايضا القطارات للتنقلات بين المدن المذكوره

طيب احنا الحين حجزنا التذاكر
وكان افضل خيار هو الخطوط المصريه علشان الوقت والانتظار بيكون اهون من القطريه والاماراتيه
راح نروح لفيينا وبنرجع من باريس ان شاء الله
وراح نتأجر سياره من فيينا وبنخليها في مطار ميونخ
صار لي اكثر من اسبوعين افرفر واشوف الفنادق ووش احسن شي
ماابي شي غالي ولاشيء سيء
ابي شي يكون حلو وراقي وسعره مناسب وهاديء وتطل على اشياء حلوه
اذا ممكن تقترح لي فنادق
واذا ممكن اعرف المسافه بالسياره من فيينا -سالزبرغ
ومن ميونخ - فرنسا بالطياره ؟

حياج الله اختي يعني تبون تأجرةن سياره وله لا ... عموما من فينا الى سالزبورخ 3 ساعات ..
لكن وين زيلامسي بالمخطط اختي ..
ياريت لو تذكرين المخطط ووسيلة المواصلات

راح تكون وجهتنا بالترتيب فينا4 ايام - سالزبورغ3 ايام - زيلامسي5 ايام - ميونخ 4 ايام
بنستأجر سياره من مطار فينا وبنخليها في مطار ميونخ وبنطير على باريس عن طريق طيران داخلي وبنظل فيها 5 ايام تقريباً

واذا عندك فكره كم تكلف التذكره من ميونخ الى باريس ياليت تعطيني خبر
واشكرك جزيل الشكر على تعاونك وتحملك

اولا هلا فيج ..
ما له داعي السياره بفينا ماتحتاجينه برأيي الا اذا بخاطركم مكان معين .. الافضل تأجيره اخر يوم بفينا ... او من مدينه المانيه قريبه من سالزبورخ .. يعني اتروحون من فينا الى سالزبورخ بالقطار وتريحون شوي بالفندق وبعدها تاخذون تاكسي واتروحون مدينة فريسلانق لستأجر السياره المنطقه مو بعيده عن سالزبورخ بحدود 9 كيلو فقط .. واتسلمونه بمطار ميونخ ..
اما بخصوص الطيران الداخلي موجود رحلات على اير برلين من ميونخ الى مطار اورلي بباريس التذكره على حسب سرعة الحجز لكن رخيصه بحدود 120 يورو
هذا رابط اير برلين
http://www.airberlin.com/site/start.php?LANG=eng&MARKT=GB

مشكور ويعطيك الف الف عافيه والله ماقصرت
طيب اذا ممكن ترشح لي اسماء فنادق
ويكون حدود السعر فيها 700 - 850 ريال