نشر في تركيا

شهر عسل لتركيا

خالد عبدالله غني

05-05-2022 - 06:58 pm

السلام عليكم ورحمة الله وبركاته
جماعة الخير انا شاب من الامارات واود الذهاب الى تركيا لقضاء شهر العسل وذلك لمدة ستة ايام وبغيت جدول والفنادق والاسعار والمطاعم والاماكن السياحية وكم سعر الرحلة كاملة مشمول التذاكر
وانا في انتظار ردودكم
وشاكر لكم حسن تعاونكم
علما بانني انوي بالذهاب بتاريخ 20/10/2010م

التعليقات (6)

abo reema22

05-05-2022 - 09:53 pm

منطقه تقسيم لايفوتك السكن فيها تجاريه وتوسع الصدر
فندق اليت وورد 5 نجوم رائع مع الافطار
و6 ايام افضل تقضيها كلها باسطنبول

bmw10

05-05-2022 - 10:54 pm

ماشاء الله حبيت اهنيكك على الزواج وعلى اختيار تركيا لقضاء شهر العسل .....
الله يوفقك يارب.
وبالنسبة للاسعار انت لازم تحدد ميزانيتك والاخوان ماراح يقصرون معاك
وشوف البوكنك واختر الفندق اللي يعجبك والسعر موجود ...

x- نجلاء -x

05-05-2022 - 11:55 pm

اهلا وسهلا اخوي خالد
ومبروك مقدما .. واله يهنيكم
طبعا مثل ماقالوا الاخوان .. 6 ايام خليها على اسطنبول .. واذا حاب ممكن تطلع يوم بالفيري بوت لبورصه وتجلسون يوم كامل وترجعون بنفس اليوم او تخلونها ليله وترجعون باليوم الثاني
الفنادق تعتد على ميزانيتك .. بس لاتحتار لان اسطنبول فيها جميع المستويات وفنادقها كثير جدا وانصحك تطلع على موقع بوكينج : https://www.booking.com
وبعدها حدد الفنادق اللي عجبتك وبنساعدك باختيار الافضل
بالنسبة للاماكن السياحيه .. انصحك تطلع على موضوع ( برامج مقترحه ... ) مثبت بقسم الاستفسارات
وكذلك مجموعة مواضيع اخونا يمون 12
وبعض التقارير اللي تختص بأسطنبول .. والبوابه مليانه منها ماشاء الله
واتمنى لكم قضاء شهر عسل سعيد وممتع ,,

Qadoor

06-05-2022 - 12:56 am

مبروك على الزواج
تركيا اختيار ممتاز
6 ايام كلها اسطنبول منطقه تقسيم واذا قدرت فندق 5 نجوم
يوم استكشاف المنطقه المحيطة بالفندق ويفضل تسكن في تقسيم
يوم منطقه السلطان احمد مسجد السلطان وايا صوفيا و متحف طوب قابي
يوم تروح حديقه مينيا ترك ورحله على البسفور من مينا اميينيو
يوم تروح مول جواهر مثلا في منطقه شيشيلي
يوم تاخدوه راحه الى العصر وتروح اي مكان رومانسي كافيه الفندق يكون مطل على المضيق
يوم تروح ل قراند بازار وتشتري هدايا وانصح انك تكاسرهم في السعر بعين قوية
انواع البضائع المفضله
جلديات
فضيات على احجار كريمه
قمصان و تي شيرتات
شنط يد
كاسات شاهي نفس اللي يشربو فيها في المحلات
وحلقوم ولو قليل

خالد عبدالله غني

06-05-2022 - 01:57 am

شكرا اخواني وخواتي على الرد, انا ميزانيتي 10,000 -15,000 مع التذاكر
تنصحوني احجز لفنادق والجولات السياحية عن طريق النت ولا مكتب السفريات.
واذا ممكن حد يعطيني جدول بالتفصيل عشان احجز نفسه.
بس في سوال يحيرني كيف شعب تركيا؟ في امان فدولة؟
ماتقصرون

x- نجلاء -x

06-05-2022 - 02:58 am

هلا بك اخوي ..
بالنسبة للتذاكر بكم طلعت عليك ؟؟؟ عشان نعرف اذا الميزانيه تكفي او لاء ..
واعتقد ان الرحلة بتكلفك من 15 الى 18 الف مع التذاكر والسكن وكل شي
وانصحك تسكن بفنادق 4 نجوم
اما عن جدول مرتب .. فبتلاقي جداول كثير بموضوع ( برامج مقترحه ) مثبت بقسم الاسنفسارات واختار منه اللي يعجبك
اما عن شعب تركيا .. فهو شعب طيب ومسالم ويحب المساعده ومرحب دائما
والدوله بأذن الله امان .. ومن خلال تجربتي الحمد لله ماحسينا بالخوف ابدا وماتعرضنا للسرقه نهائيا

تركيا المسافرون العرب

شهر عسل لتركيا