وعليكم السلام ورحمة الله بركاته ياعريس..الله يوفقك في عالم الجديد ويجمع بينكم في خير.
اذا سمحت لي عندي ملاحظة بسيطة على الجدول
مع ان شغلك مرتب وجدولك جميل. وهي:
سلانقور تستحق يومين فقط واشوف ثلاث ايام كثير عليها
الا اذا كنت ستصل ليلا ولازم تحجز اليوم من اوله مع انك ماراح تستفيد منه الا مبيت ففي هذي الحاله خلها ثلاث ايام.
لكن لو كان وصولك مع وقت الدخول للفنادق 12ظ فاشوف ان يومين تكفيك بالراحة فهي اصلا قليلة المزارات والفعاليات.
واليوم اللي بتسحبه من سلانقور اما تحطه في كوالا اذا انت تحب التسوق والحضارة او تخليه في لنكاوي اذا كنت تبي استكنان وروقان.
المواصلات بين المدن كالتالي:
من سلانقور الى لنكاوي>>> ماعندك الا طيران وحبذا تحجزه الان من النت وترتاح وتكون كل امورك جاهزه والحجز سهل.
عندك ايراسيا وماليندو وفايرفلاي والماليزية.قارن وشوف الارخص واهم شي التوقيت خله قبل الظهر او بعده لانه الانسب.
من لنكاوي الى بينانغ>>>اما بالبحر عباره لمده 3ساعات او طيران داخلي وكلما بكرت في حجز الطيران كلما كان افضل.
العبارة تعتبر للاغلب تجربة جديدة وسعرها توفير ورخيص 60رينقت ويمديك تحجز من هنا او من هناك والوضع طبيعي.
من بينانغ الى كوالا>>>اما بر باصات فخمه او تاكسي. واما طيران داخلي.وحسب ميزانيتك اذا تبي توفير خذ باصات.
الباصات ممتعه وفخمه خصوصا ايرولاين ورخيصه ومدتها 4ال5ساعات وحجزها من هناك افضل واستمتاع بالمناظر.
الفنادق حسب ميزانيتك ومادام عريس لازم فخم.الا اذا تبي اقتصادي فقول وابشر.
سلانقور قولا واحد صن واي او البراميد.وتراهم جنب بعض والبراميد ارخص.
لنكاوي عندك الدانا والاندمان وبلانجي والوستن وكاسا ديل.
اذا تبي الخصوصية والعزلة فخذ اول اثنين وحبذا تستاجر سيارة لانها بعيده عن المدينة.
اذا تبي قريب من المدينة فشوف الباقي ومواقعها حلوه.
بينانغ الافضل قولدن وبعده بارك رويال وهوليدي ان وهارد روك والارخص فلامنقو.
كلها على شاطي باتوفرينقي وعندها فعاليات ماعدا فلامنقو في موقع بعيد عنهم شوي.
كوالا عندك رويال شولان او امبيانا اوالارخص تايم سكوير.

نسييت اقولك ابرز المزارات ..الاماكن السياحية حسب رايئ القاصر...
1-سلانجور وفيها(ملاهي الصن واي المائية التذاكر120 وممتعه لكن فيها تعري-مجمع الماينز وهو رخيص ويقيم رحلات بالكروز في البحر-مجمع البراميد جميل وكبير ومطاعمه حلوه-
منطقة شاه علم والمتحف والحدائق ومسجد صلاح الدين-ومنطقة الحكم الرئاسي بوتراجايا ومسجدها ورحلة الكروز بالبحيرة)مزارات سلانقور قليلة.
2-لنكاوي وفيها ياطويل العمر(المانقروف-بولا بايار-والكثير من الرحلات البحرية-التلفريك والقرية الشرقية والشلالات تحتهم-العيون الحارة وقرية الارز-عالمم تحت البحار-
حديقة الطيور والفواكة-ميدان النسر والحدائق حوله-شاطي سينانغ والنشطة البحرية-شلال تيمرون دوريان)
3-بينانغ فيهاي ياعمي(الهضبة-محلات الشوكلاته والقهوة-مصانع الفضة والمعادن-حديقة الفراشات والفواكة- الشلال وبحيرة اتريم-شاطي باتوفرينجي والانشطة البحرية-
برج كومتاروالاسواق المجاورة-مجمع قروني-رحلة جزيرو القرود ورحلات الغوص-السوق اليلي)
4- كوالا وماادراك ماكوالا(شارع العرب والمجمعات اللي فيه بافليون و لوت10 بي بي بلازا-سوقو السوق الكوري-شلالات تملبر-حديقة الحيوان نياجرا-افموسا
جنتق والتلفريك والقريتين الفرنسية واليابانية-السوق الصيني-البرجين ومجمع سوريا واكواريا-المنارة ومطعمها وماحولها-مجمع التايم سكوير وملاهيها)
واكيد هذي موكل شي ويفيدك بقية الاعضاء.
وبالنسبة للجو فجو ماليزيا ثابت اغلب السنة رطب وحار ومايفرق الا الامطار في بعض الاشهر تنقطع.
العام الماضيي سافرت في شهر اكتوبر وكانت الامطار مستمرة واتوقع ان نوفمبر كذلك والله اعلم.

شكرا لك اخي https://artravelers.com
الله يعطيك العافيه وما قصرت
والصراحه استفدت كثير من ردك وشرحك المفصل
الله يسعدك يارب ويوفقك