السلام عليكم ورحمه الله وبركاته
ياليت من الأعضاء الكرام والمشرفين الكبار والخبرة في باريس مساعدتي في ترتيب شهر العسل .. حيث أن الزواج بيكون إن شاء الله في 1 - 4 - 2010 ...
المشكلة للحين مااسويت أي ترتيب للفيزا .. التذاكر .. الحجوزات للفنادق .. لآني ماعرف فيها شيء أبد .. فالله يجزاكم خيير جميعاً ..
خط سير الرحلة المقترح بمشيئة الله ... باريس - النمسا ( فيينا - زيلامسي ) ...
باريس : 4 أو 5 أيام
فيينا : 3
زيلامسي : 4 أيام
ياليتي تساعدوني في الإجراءات الفيزا والمطلوب منها .. المبلغ المتوقع للسفر بدون التذاكر .. الفنادق .. أيضا سمعت ان التذاكر المخفضة هل ينصح بها ..
وسيلة التنقل هل أستخدم الباص أو المترو أو التاكسي .. أيضا أسماء المحطات اللي ينطلق منها للتمشيه أو ارقام الباصات ..
مدري ليه أحس أني بضيع هناك
يعني أحس لازم أكتب كل شيء في دفتر بالملي .. وقت الخروج وقت التمشية اليوم الأول كذا .. لأنها أول مره أزور المدينة ومالها داعي أضيع في بنت الناس وماندري وين نرووح
اعجبني موضوع الأخ العزيز ابو مالك ( شهر عسل في باريس .. أفضل برنامج .. ليالي باريس ) ... بس حست فيه .. مادري وش أختار .. وأسماء المناطق والمحطات والباصات جايه بالعربي يعني مايمدي عليها ..
من ناحية السفر للنمسا أحس الأفضل الطيران الاقتصادي .. وبين فيينا وزيلامسي .. مادري هل أستأجر سيارة وأستخدمها هناك وإلا مادري الأفضل أيش.. وخط الرجعه للديار بالسلامة .. لايوجد طيران من فينا إلى الرياض .. هل يتم الرجوع إلى باريس أو زيارة ميونيخ لمدة يومين والطيران من هناك...
أحس أني بكلف عليكم ... بس تعبت وانا أدور في هالتقارير وماقدرت أجمع .. علما أني أول مرة أسافر لأوربا واللغة الأنجليزية تعتبر مقبولة
أي تعديل في الجدول أي أقتراح أي شيء .. أتمنى مشاركته معااي ..
وأي سؤال أنا حاضر إن شاء الله بس أهم شيء ما أتأخر عشان ابغى احجز في هالأوقات
والله يوفقكم جميعا ولكم دعوة في ظهر الغيب إن شاء الله
أخوكم :: أحساس