اختي المهيرية ...
اولا مبروك والله يتمم عليكم بخير ...
ثانيا انتي تريد معلومات عن استراليا كلها او سيدني !!!! على العموم اريد ان ادلي بدولي واجيب على تساؤلتك ...
على العموم الاجواء بشكل عام راح تكون حارة نوعا ما .... يعني عليك بالملابس الخفيفة ...
وانا انصحك اذا كان شهر عسل ان لاتقضي كل الاسبوعين في مدينه واحدة ... وعلى فكرة سيدني مدينة جميلة جد ... واهم مايميزها عت غيرها هو التسوق هناك ممتع جدا ...ولكن مزدحمة جدا ..فانا انصحك ان تقضي اغلب ايامك في القولد كوست على الاقل من 8 الى 10 ايام في القولد كوست ... لعدة مزايا ...
انها المدينة السياحية رقم واحد في استراليا ... ثانيا المدينة صغيرة وجميلة... ثالثا يوجد العديد من الاماكن التي تستحق الزيارة من غابات الى رحلات بحرية الى اماكن ترفيهية الى ... وكذلك يوجد بالقرب منها مدينة برسبين ...
واخر خمس ايام في سيدني لرؤية اهم معالمها وكذلك التسوق ...
وبالنسبة للاسعار نوعا ما غالية اذا ماقارنتيها في الخليج ... ولكن عند مقارنتها باوربا تكون اقل الى حد ما ...
تحياتي ...

((محسن1980..))
==========
تسلم اخوي...
وعقبالك لو كنت مب معرس..ولو معرس الله يوفقك ويهنيك يارب..
لا انا بسير اسبوع سيدني وبعدين ان شاء لله بروح ماليزيا..
يعني بتكون حاره استراليا.. ما تعرف كم درجة الحراره تقريبن بتكون؟؟
ولو عندك معلومات اضافيه عن الاسواق والاماكن السياحيه في سيدني ..
لا تبخل عليه فيها..
اتريا ردك اخوي..
ودمت..
"المهيريه.."
=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-

اختي المهيريه
الف مبروك والله يهنيكم ان شاء الله
اختي حرام توصلين استراليا و تقعدين فيها اسبوع بس .. بس اذا كنتي ما تقدرين تقعدين ال اسبوع و حابه هالاسبوع يكون في سدني فمن جد سدني اجواءها رومانسيه و حلوه و تناسب المعاريس
و بالنسبه للجو فاستراليا الحين بادي الجو فيها يدفى يعني تقريبا درجة حرارتها 25 درجه مئويه و يمكن اكثر شوي و بيكون الجو رطب في الوقت الي بتكونون فيه
و الاسواق عندك( queen victoria bulding ( QVB تلقينه عند جورج ستريت هذا فيه اغلب الماركات
و ماركت ستريت فيه محلات مره حلوه منها myer ,david jones و هالشارع يتفرع منه شوارع و كلها فيها محلات حلوه و ماركات .... احنا ما ركزنا على اسواق سدني بس هذا الي شفته و حسيت انه حلو
و بالنسبه للتمشيات .. عندك منطقه ال circular quay فيها الاوبرا هاوس و برج سدني الشهير و فيها جنبها حديقه مره حلوه و المنطقه مليانه كافيهات و مطاعم
و عندك المكان الي انا حبيته darling harbour المكان رائع بمعنى الكلمه كله مطاعم و كافيهات و محلات و فيه سينما اي ماكس و الاكواريوم و في جنبه حديقه مره حلوه
و تقدرون تروحون taronga zoo اذا ودكم تشوفون حيوانات استراليا و الكنغر
و في مدينة العاب اسمها luna park
و في مكان شوي بعيد اذا عندكم وقت روحوا له اسمه blue mountines بس روحوا من بدري عشان يمديكم تشوفون كل شئ
و في رحلات بالكروز تقدرون تاخذونها بالليل و الا بالنهار و تختارون غداء و الا عشاء
و اذا تحبين البحر في عندك bondi beach , manly beach
اذا تذكرت شئ بعد بقولك
ان شاء الله قدرت افيدك اختي و سامحينا على القصور

يا هلا بالاخت المهيرية
و الف مبروك الزواج
اهم شي الفيزا... لا تنسون تقدمون عليها قبل شهر من الرحلة
بالنسبة للجو في ذاك الوقت صحيح بيكون حار بس ما يتعدى 32 درجة... يعني جو حلو و دافي
و الاخت Desert Rose ما قصرت في ذكر اهم الاماكن
و انا كتبت برنامج مقترح لسيدني في احد المواضيع و اذكرها مرة ثانية للفائدة
فتى الشرقيه

محسن1980
ترى جنان وسيدني خيالية مرره راح تنبسطون فيها بس الكلام حرام تروحون ماتشوفون استراليا ومدنها اللي تطير العقل ( وكيرنز يالله بس ماودي اشتت تفكيرك )
وألف ألف مبروك والاخوان وفو وكفو واذا تبين ممكن تدخلين على الروابط اللي بالتوقيع