وأنا كمان معاك والله محتار بالفنادق

1. رابعا: ياليت تحدد لي تقريبا كم احتاج مصروف من غير الفنادق

و عليكم السلام ورحمة الله و بركاته
أخي الكريم
اولا:بجلس في برشلونه 6 ايام ابيك تخططه لي من يوم ماانزل من الطياره ابي جدول لوين ممكن اروح وودي اروح جزيره ميوركا هل ينفع اروح وارجع لبرشلونه بنفس اليوم منها
بالنسبة لبرشلونة أخوي أعتقد أن 6 أيام كثيرة عليها, و بالنسبة لمايوركا صعبة أنك تروح لها و ترجع في نفس اليوم بتكون متعبة عليك شوي.
ثانيا:يوم 15/7 انشالله بطلع من برشلونه لملقا وبجلس في ماربيا 6 ايام وابي جدول يومي للاماكن اللي تنصحني فيها وياليت تكون اماكن ترفيهيه ابعدنا عن الاماكن الاثريه ماحبها
أبشر أخوي, لكن هل أنت تحب الأماكن الأثرية و الإسلامية, و أبيك قبل تزور موضوع الشاب و 48 مدينة علشان تعرف وش ممكن تسوي في ماربيا يوم بيوم.
ثالثا:ابي احجز خطوط طيران من باريس لبرشلونه وبعدين من برشلونه لملقا وش تنصحني فيه بصراحه هنا الاسعار نار
أنت إذا بغيت تحجز خطوط طيران, لازم تخلي التذكرة وحدة, ( الرياض- باريس- برشلونة) كلها في تذكرة واحدة, لكن أخي الكريم هل أنت بتنزل في باريس قبل؟
أما الخطوط اللي ممكن تحجز عليها بهذه الطريقة هي السعودية و الفرنسية.

رابعا: ياليت تحدد لي تقريبا كم احتاج مصروف من غير الفنادق

خامسا: رشح لي اسماء فنادق حلوة ورخيصه واعتذر عن الاطاله وياليت يكون الرد سريع ولك جزيل
بالنسبة للمصروف فهو يختلف من شخص لآخر, و صراحة ما أقدر أحدد لك بالضبط, لكن اللي راحوا شهر العسل في اسبانيا و اللي أعرفهم كانوا يصرفون مابين 100 كحد أدنى و 200 يورو كحد أقصى, طبعا غير الهدايا وا لمشتروات, هذي تشمل الأكل - الشرب- الترفيه- التنقلات, يعني كل شي غير السكن.

شاكر لك اخوي الشاب على ردك بس حبيت اقولك اني بغير حجزي بروح باريس 5 ليالي من 3 الى 8 يوليو وبعد كذا راح اجلس في برشلونه 5 ليالي بس ابيك تخططه لي وين اروح .وبسكن في فندق اسمه rivoali وش رايك فيه هذا بالرامبلا حصلت عند المكاتب السياحيه ب 266 يورو الليله
وياليت لو تخطط لي وين اروح ببرشلونه
ثانيا:مايوركا هل تنفع لنا كخليجين او لا بجلس فيها 3 ليالي
وبعدين 6 ليالي في ماربيا
خطط لي من وين اروح
وشاكر ومقدر لك اخوي الشاب

أخوي
عبودي
لعلي أشاطركم الرأي ولك أن تأخذ مني ما يعجبك وتترك ما لايعجبك
أولا
تحجز على الخطوط الفرنسية
وتجلس في باريس 5 أيام
ويمكن تستفيد من الملف المرفق
ملف باريس https://artravelers.com
وسوف تجد فيه أهم الأماكن الي ممكن تزورها في باريس
وأهمية كل مكان تزورة
ثانياً
تنتقل بالطائرة لبرشلونة
وأعتقد أنك ممكن تلقى فندق ريفولي ب 150 يورو
وإذا ما لقيت أرسلي على الخاص وإن شاء الله أقدر أدبر لك حجز في ريفولي ب 150 يورو
وفيه موضوع جديد نزل بعنوان
دليلك للسكن في برشلونة
يمكن تستفيد منه
وفيه فنادق قريبة من مكان ريفولي وبنفس المستوى بس ماهي على شارع الرامبلا مباشرة
وسعرها في حدود 100 يورو
وبالنسبة للأماكن في برشلونة ممكن تستفيد
من هذا الموضوع
برشلونة الساحرة https://artravelers.com
ثالثاً
تنتقل من برشلونة لمايوركا بالعبارة
وممكن تسأل الفندق أو أي مكتب سياحي ويدبر لك الحجز من هناك
وسعرها حدود 50 يورو
ومايوركا واحدة من أجمل الأماكن في العالم
ولا أدري لكن أسواقها أعجبتني .. مقارنة بباقي مدن أسبانيا
بس لما تروح لا تنسى تكلم الفندق يحجز لك رحلة للكهوف البحرية
قيمتها حدود 40 يورو
ثالثاً
تنتقل بالطائرة لماربيا
ومن مطار ماربيا تأخذ باص بسعر 6 يورو للشخص
أو تكسي ب 75 يورو
أو تستأجر سيارة من المطار
وأنا أفضل الباص أولاً
أو التاكسي
وفي ماربيا
رتب للذهاب لغرناطة أولاً
ثم لقرطبة
ثم لأشبيلية
ويمكن زيارة هذه الأماكن
إما بالترتيب مع الفندق للذهاب مع قروب سياحي وتكلف كل رحلة في حدود 50 يورو
أو الذهاب لوحدك
وتكلف كل رحلة أقل من 50 يورو بقليل
وعلى الرغم من أن هذي الأماكن تاريخية
إلا أن زيارتها فيها الكثير من المتعة والفائدة إضافة إلى رؤية تاريخك المشرق كشخص مسلم
ويمكنك زيارة رحلة الشاب و 48 مدينة للتعرف على الأماكن الترفيهية في ماربيا
رابعاً
تنتقل باطائرة من ملقا لبرشلونة
على الخطوط الداخلية الأسبانية
في نفس يوم رحلتك لباريس
وتنتظر في مطار برشلونة 4/5 ساعات
وثم الذهاب لباريس ثم الرياض على الخطوط الفرنسية
تمنياتي لك برحلة سعيدة
وأن نرى تقريرك الخاص عن الزيارة
مودتي وإحترامي
أخوك
المنقلب

أخوي أعتقد أن المنقلب أجاب على استفسارك
لكن سعر الفندق اللي أخذته من هنا غالي سعر جدا

المنقلب ما رائيك بهذا الفندق
Royal
الموقع

السعر
1-01 EUR

ارجوا الافادة عن الفندق وهل هو قريب من شارع الرامبلا
وابي احجز عن طريق الفندق مباشرة

أخي
هلال الخير
هذا الفندق يقع مباشرة على شارع الرامبلا
ويمكن مشاهدة أهم فنادق برشلونة
التي تقع على شارع الرامبلا مباشرة أو قريبه منه على الرابط التالي
دليلكم للسكن في برشلونة https://artravelers.com
وهو ثاني فندق تم عرضة في الموضوع
أتمنى أن تجد في الموضوع ما يفيدك
مودتي وإحترامي
أخوك
المنقلب