شهر عسل ضروري

MR ABDULAZIZ

04-05-2022 - 03:49 am

فهل امريكا مناسبه لشهر العسل انا فكرت اروح لنيويورك 3 ايام في فندق

السلام عليكم ورحمه الله وبركاته
في البدايه اشكر القائمين على هذا المنتدي والمشاركين فيه
الشكر الجزيل لمايقدموه من فوائد لاتعد ولاتحصى لتعم الفائده
للجميع ولما له من آثار حسنه في القريب العاجل لجميع اخواننا
وفقكم الله وجزاكم الله مليون خير
بإذن الله ناوي اسافر شهر عسل ولحبي لامريكا وايضا عندي فيزا جاهزه سياحيه
ولاصرار واحد من الشباب علي اني اروح لامريكا لانه دايم يروح .. فحبيت اسأال
انا ترددت وين اروح امركيا او اوروبا (سويسرا + المانيا + النمسا)
ولكن لقله خبرتي في القارتين ( مارحت لاامركيا ولا اوروبا ) رحت لدول عربيه فقط

فهل امريكا مناسبه لشهر العسل انا فكرت اروح لنيويورك 3 ايام في فندق

وبعدها اروح لفيلادلفيا واخذ شقه تكون حلوه لمده شهر ( هل فيلادلفيا حلوه وهل فكره شقه مناسبه لمده شهر لانه مدحها لي واحد )علما اني مو لازم اقعد شهر يعني ثلاث اسابيع 21 يوم وارجع عشان ماتزيد التكلفه ؟؟واستاجر سياره ومنها
ازور هيرشي (مدمن شكولاته) الله لايبلاكم :2kwzj: وازور واشنطن
وش رايكم هل هي مناسبه ام علي كلام بعض الاخوان انها غاليه وبعيده
4ساعه طياره وبشهر عسل ؟؟؟
تقريبا حاط ميزانيه 40 الف لكل شي ماودي اتعداها الا لاشيا اجباريه فقط
بسافر بإذن الله نهايه مايو بدايه يونيو على 28 مايو تقريبا
محتار مره ومابقى شي يالله يمدي ياليت تفيدوني
الله يوفقكم ولكم من عندي الدعاء بظهر الغيب
شاكر حسن تعاونكم

التعليقات (9)

tota alshawa

04-05-2022 - 06:09 am

وعليكم السلام اخ عبد العزيز اولا امريكا رائعه كشهر عسل واوربا ايضا ,,,,, انا من عشاق اوروبا صراحه
بس اذا حابب تروح امريكا ارخص لك ونصيحتي كشهر عسل ماتصلح واشنطن وفلادلفيا
انصحك ب 3 اسابيع لان الميزانيه محدوده
راي مده قصيرة واستمتع احسن من شهر ومتحسر مو قادر تعمل شي
انصحك بفلوريدا اسعارها معقوله و ازا تحب الملاهي فيها ديزني والشواطئ بميامي
3 ايام نيويورك
0ايام باورلاندو وماحولها
وخدلك كروز في ميامي 7 ايام عندك جزيرة هاواي خيال
او الخيار الاخر لو تحب السهر والتسوق
2لوس انجلوس الشمال والجنوب
4 لاس فيغاس
4 سان فرانسيسكو
وبالتوفيق
لو غيرت رايك وبتروح اوروبا انصجك بايطاليا والنمسا كشهر عسل

MR ABDULAZIZ

04-05-2022 - 07:10 am

اول شي الله يوفقك وجزاك الله خير على هالتفاعل
طيب اخوي بس فلوريدا بتكون حاره بنهايه مايو بدايه يونيو والا انا غلطان ؟؟ احس مهم يكون الجو حلو صراحه احب الاجوا الحلوه
حلو مو لازم فيلادلفيا وواشنطن اهم شي الجزء الشرقي من امريكا لاني ماني مستوعب للحين سالفه 14 ساعه
طياره لنيويورك فمابالك 20 ساعه لكلفورنيا خاصه انه شهر عسل بالتحديد ( من الاشيا اللي خلتني اتردد اروح امريكا والا لا
هي 14 ساعه )
علي حد علمي ان هاواي (حلوه وداخله مزاجي بقوه نفسي فيها
) غرب كلفورنيا في المحيط يعني بعيده عن فلوريدا
واحس بتزيد التكلفه بقوه وش رايك؟؟
انا اسمع ان امريكا ارخص بس حسبتها تذاكر وفنادق واجار سياره ومعيشه طلعت اغلى من اوروبا
مع ان الكل يقولون ارخص ؟؟ ماقدرت احل هالمعادله
؟؟ والميزانيه اللي انا حاطها 40 الف ماودي ازيد
عشان كذا فكرت في شقه تكون فخمه اخذها لمده شهر بتكون رخيصه ومها ازور المدن والقري القريبه ؟؟
مادري عن الشقق بامريكا هل هي تملا العين والا اتفشل مع المدام الله يحفظها
وجزاك الله خير

aziz20012001

04-05-2022 - 08:11 am

اذا نويت على امريكا ومصمم على الشرق فاقترح
نيويورك 4 ايام وبعدين بالسيارة لهرشى ليلتين وبعدين بالسيارة لنياقارا ليلتين وبعدين بالطيارة لاورلاندو اسبوعين تاخذلك شقة بمنتجع
الجو حلو ولاكن فى اورلاندو راح يكون شوى رطوبة .. بس المدينة حلوة وفيها اماكن ترفيهية كثيرة*

ahmad059

04-05-2022 - 09:12 am

^^
انا مع اخوي عزيز بس خليها اسبوع اورلاندو
وروح ميامي اركب كروز تراه مره حلو ( وانا قاعد اخطط لشهر عسلي في امريكا واركب كروز قاعد اخطط من بدري )

waleed8818

04-05-2022 - 10:13 am

انا مع خطة الغالي عزيز ,
جداً مناسبة للاستمتاع لشهر العسل , نيويورك , اورلاندو ,
والله يوفقكم وييسر أمركم اخوي عبدالعزيز ,
تحياتي , , ,

MR ABDULAZIZ

04-05-2022 - 11:14 am

aziz20012001
يعلم الله انك افرحتني بردك الله يوفقك ويجزاك الف خير
مخطط حلو طبعا انا صممت على الشرق لان الغرب بعيد يعني الشرق 14 ساعه ويالله بس عندي كم استفسار لاهنت
انا ماقد شفت احد يروح شهر بصل قصدي عسل
لامريكا الا قليل فماادري وش المانع هل مده السفر 14 ساعه
عائق ام لغلاء التكلفه ؟؟
انا اسمع ان اورلاندو حلوه للعوائل عشان فيها فعاليات كثيره او اماكن تمشيه كثيره فهل تنفع للعرسان ؟
تقريبا كم درجات الحراره في هذه المدن الاربع ؟؟ وبصراحه ماني عارف نسبه رطوبه اورلاندو بهالوقت لاني
بالخبر وشبعان من الرطوبه
فهذا اللي مخليني ابي جو حلو ؟؟
ماعندي خلفيه عن التنقل في نيويورك ولا هيرشي ولا نياقرا ولا اورلاندو ؟ كيف التنقل بين المدن وايضا داخل كل مدينه ؟؟
الميزانيه 40 الف شامله كل شي حتي من مطار الدمام
؟؟ فهل هي كافيه ؟؟
يعني فنادق في 3 مدن مع تنقلات واخيرا سياره مدري تكفي والا لا ؟؟
اكرر شكري الجزيل لشخصك الكريم والدعاء لك في ظهر الغيب

MR ABDULAZIZ

04-05-2022 - 12:15 pm

ahmad059
ايضا يعلم الله انك افرحتني بردك والله يوفقك في زواجك ويهنيك ويسعدك ويرزقك الذريه الصالحه انه سميع مجيب
ماعندي اي ادنى فكره عن كروز مجرد اسمها فقط
من وين تطلع ووين توصل وكم يوم وماطبيعه الفعاليات فيها والمعيشه فيها ؟؟
مادري كم تكلفتها ؟؟ لاني حاط ميزانيه ماودي اتعداها ابدا الا شي اجباري
الشكر الجزيل لك اخي الكريم ولك مني الدعاء في ظهر الغيب

MR ABDULAZIZ

04-05-2022 - 01:17 pm

waleed8818
اسعدت قلبي بردك ودعائك
الله يوفقك ويجزاك الف خير
فعلا خطه حلوه انا في البدايه كنت راسم على اورلاندو بس الجو في ذاك الوقت
خلاني اعيد التفكير ومادري عن طبيعه العيشه بامريكا يعني مدري 40 الف بتكفي لهالمخطط
علما انها شامله كل شي من مجاميعه
غير اني ماعرف اي شي عن امريكا (بكرتوني وبدون ريموت بعد )
الشكر الجزيل لك اخي الفاضل ولك مني الدعاء في ظهر الغيب
انا مهما اثني على هذا المنتدى الرائع والقائمين عليه والمشاركين فيه لخدمه اخواننا صدقوني لن اوفيه حقه
يمكن تقولون مبالغ بس يعلم الله انها من قلبي

MR ABDULAZIZ

04-05-2022 - 02:18 pm

العذر والسموحه منكم جميعا على كثره الاستفسارات كثره الاشغال وقله الوقت نستني
نفسي بهالاستفسارات
لكن مالي الا الله ثم انتم اسآلكم ياآهل الخبره
الله يوفقكم

واشنطن العاصمة المسافرون العرب

شهر عسل ضروري

فهل امريكا مناسبه لشهر العسل انا فكرت اروح لنيويورك 3 ايام في فندق