اذا انت تبغى ماليزيا فتراها ممتازة بذلك الوقت واذا بتروح تركيا فنصيحتي 5 ايام اسطنبول 5 ايام انطاليا 2يوم اسطنبول قبل المغادرة

ما تقصر حبيبي بو عاصم ،
بس ما قلت لي يعني انت وش رايك بالوجه من ناحيه الجو ، الميزانيه وما شابه وهل تفضل لي الذهاب الى ماليزا مثلا بالعوض عن تركيا !!
لو تتكرم تعطيني جدول للرحلات الداخليه وكيفيه التعامل والتنسيق ، محسوبك ما له تجربه مسبقه في هالامور .
انتظر بقيه الاخوه والمراقبين ...
شكرا لكم

الف مبروك واسأل الله ان يوفقكم ويرزقكم يارب
بصراحه اخوي انا ماانصحك بتركيا
انا قبل كنت متوقعه ان تركيا جنه الله في الارض لكن بعد مارحت كرهت السفر كله
شعب للاسف - غبي - مع احترامي لهم لكن فعلا مايفهمون لاعربي ولا انجليزي وشعب مغرور ومايهتم بالزبون ابدا
نصيحتي تروح النمسا - فيينا - جدا راقيه بالتعامل
تركيا نصب في نصب في نصب في نصب يعني بتروح فرحان وترجع مكتئب حتى اللي بالمطار مايمشونك الا بالبغشيش
والماء عندهم يبيعونه ب نص ليره لكن للعرب يبيعونه ب ليره ونص يقولون عاجبك ادفع واخذ مو عاجبك مع السلامه يعني شعب استغلالي جدا ومغرور ويكلمك من طرف طرف طرف خشمه
كان معاي بنفس الرحله من تركيا الي بلدي عايله معاهم عسل والله انهم رموا العسل بالزباله - كرمكم الله - والمسكينه من القهر جننوها رمت شنطه ملابس اطفالها عطتها لواحد من الفقراء قالت خذها لك تقول بس ابي ارجع كرهت السفر بسببهم
وفيه معاي كذا عايله راجعين من - سيريلانكا - يقولون بارده ورخيصه ومناظر طبيعيه يعني جنه الله بأرضه - او روح البوسنه جدا راقيه
بالتوفيق

اخوي انا دوبني راجع من تركيا وسبق رحت لماليزيا والله مافيه مقارنه
ماليزيا ولاتشاور تركيا رحت اسطنبول وسابنجا والله غاليه وحر رطوبه
ماليزيا ارخص واجمل وارقى هاذي رايي وانا ناصح واذا عندك لغه روح
النمسا طبعاً انا اتكلم عن اسطنبول وسابنجا بس يعني الشمال التركي
ماادري عنه

نصيحتي روح النمسا سويسرا نفس الي بتصرفه بتركيا غاليه مره وماتصلح شهر عسل شهر العسل يبي هدوء روقان وهنا نصب وحر وغلا

اقول انحش من تركيا انا الين فيها وبكره جاي
نصيحه اذا مارحت اوروبا روح لماليزيا فعلا احترافيه في السياحه تحس انك سائح يهتمون فيك طبيعه ناس راقيه فعلا
انا رحت شهر عسل تايلند وبعدها رحت ماليزيا كلها وناسه وناس طيبين مو هنا الشعب مع احترامي على قولة الاخت لا يفهم لا عربي ولا انجليزي وشايفين انفسهم على ماادري ايش وغاليه مافيه الا الشمال التركي
فقط بس روح ماليزيا بتنبسط كثير طبيه وتسوق وفنادق جنان بمعنى الكلمه والعريس وانا اخوك يهمه الفندق وفخامته يبيض وجهك قدام العروسه في تركيا فنادق اي كلام وغاليه مالك الا الفنادق الشهيره وغاليه
نصيحتي بمبلغك هذا تقدر تروح اوروبا او ماليزيا وتعيش فيها ملك احسن لك
ولا يفوتك فندق ترادرز في كوالالمبور خيال
او قسمها حطها ماليزيا وسنغافوره كلها راقيه وحلوه
ومبروك مقدما وبارك الله لكما وبارك عليكما وجمع بينكما على خير
واي سؤال عن ماليزيا نا حاضر

25 الف مايودي اوروبا !
السنه اللى فاتت 30 الف انا وزوجي بباريس وسويسرا
وباليالله بعد ومقتصدين بعد على الاخير !
انا ماقد زرت تركيا
بس كان تبي تروح ماليزيا حلوه
الصراحه خوفتونا من تركيا حاجزين على العيد وجبتوا لنا احباط

اولا : اشكر كل من مر هنا احبتي .
ثانيا : بخصوص تركيا انا رحتها السنه الي فاتت خمسه ايام في شهر اكتوبر بس ما رحت من جهه الشمال
وكان الوضع تقريبا طيب وهذا الي خلاني اقول بروحها شهر عسل .
ثالثا : الي ما نصحني اروح تركيا هل في مكان فعلا ينصحني به واتمنى يعني لو حط لي جدول ومخطط حتى اقرر وابي احجز .
رابعا اصعب جرح: شورك هذا على مخطط ما مثلا وكم التكلفه ؟
خامسا : ابو ساره : بليز لو تحط لي الميزانيه لماليزيا وسنغفوره ؟ وايضا لو تتكرم وتحط لي مخطط تنصحني به لاني تحمست ع كلامك لماليزيا مع اني ما كنت افكر فيها كنت ابي اروح اوربا شوي فوق ههه .
ابي شوركم وياليت يكون مفصل نوعا ما حتى ابني عليه قرار.
شكرا لكم

شهر عسل وفي شهر نوفمبر
أفضل مكان لك للإستمتاع بالأيام الأولى للزواج ((( ماليزيا )))
لأنها بلد لا تحتاج خبره وفنادقها فخمه عباره عن منتجعات وبينانج روعه بها الوقت بحر ومسابح وجولات بحريه وفله
نصيحه أخويه من شخص جربهم كلهم , رح ماليزيا
تركيا( عندي انا شخصيا افضل من ماليزيا ) لكن لشخص عريس مثلك اقوله رح ماليزيا
لأن تركيا زي ما قلت لك تنفع لشخص عنده معلومات وباك راوند سابقه .
طبعا المناطق الممتعه في تركيا طرابزون واوزنجول وكذلك ابانت وغيرها من مناطق الطبيعه ما راح تكون مناسبه
لك بنوفمبر ,, لذا فالخيار الأفضل لك ( ماليزيا )