السلام عليكم
مساء الخير جميعا
أشكر القائمين على هذا الموقع المفيد جزاكم الله خيرا
ياليت تفيدوني في بعض الاستفسارات التي شاغله بالي وأبيكم تساعدوني في الإجابة عنها
أنا إن شاء الله ناوي أتزوج في 16 سبتمبر 2010 وناوي شهر العسل في النمسا بمشيئة الله
لكن عندي بعض الأمور اللي حاب أتأكد منها وأخص الأخ ali_q8_77 بالسؤال بحكم خبرته وتفاعله مع الأعضاء الله يجزاه بالخير
أولا / كيف طريقة استخراج الفيزا من السفاره في الرياض وماهي الشروط وكم تستغرق من الوقت لإصدارها يعني متى أبدأ في إجراءاتها؟
ثانيا / سمعت لها شروط حجوزات فنادق وتذاكر مؤكده وانا بصراحة مزنوق بعض الشئ ولو بحجز بيكون بشهر رمضان او نهاية شعبان واخاف ماالقى حجوزات هذاك الوقت واتوهق ثم اتاخر في استخراج الفيزا بحكم انها تشترط حجوزات مؤكدة؟
ثالثا / كم تكلفة الرحلة كلها يعني اسبوعين تقريبا ( فيينا 2 يوم - سالزبورغ 5 ايام -زيلامسي 5 ايام - فيينا 2 يوم) وحاب اضيف مدينه وحاب تكون ريفيه وهادئة وش تنصحوني فيه؟ وكم بتكون التكلفه بتخطيطي انا او اذا اضفت مدينة اخرى ؟
رابعا / حاب أستفيد من تجاربكم في فنادق خدمتها زينه واسعارها معقولة في المدن اللي ذكرت؟
خامسا / ابي الاماكن اللي اقدر ازورها في كل المدن المذكورة يعني ابي جدول اذا ماعليكم أمر - الله لايهينكم -
سادسا / هل أحتاج السياره؟ واذا احتاجها مثلا كيف طريقتها تحتاج رخصه او تأمين وكيف اسعارها ومن وين استاجرها؟
عارف اسئلتي كثيرة بس بحكم إني ماسافرت للخارج قبل كذا يعني مااعرف غير الرياض مكة جدة الشرقيه أبها خ
أتمنى تجاوبوني وتفيدوني الله يجزاكم خير
وشكرا لكم مقدما