حبيب لندن
14-10-2022 - 08:10 pm
السلام عليكم جميعا والله يعطيكم العافية على المجهودات الكبيرة اللي تقدمونها للزوار والسياح عساها في ميزان حسناتكم
حبايبي انا صراحه تعبت من تخطيط شهر العسل كنت ناوي على ماليزيا وكان عندي وقت مناسب اني اسافر فيه
بس تغيرت الفكرة وصارت على النمسا والمانيا وكنت متحمس بس اجراءات الفيزا والتبصيم وشغلات كثيرة خلتني الغي الفكرة وارجع الى ماليزيا .
السؤال ياحبايبي كيف ماليزيا في 21 اغسطس لمدة 13 ليلة
هل الوقت مناسب
هال المدة مناسبة بحكم اني مرتبط بالدراسة وماقدر اخذ اكثر من هذي المدة
ودي ازور ( سلانجور+ لنكاوي بالطائرة + بينانيج بالطائرة + كاميرون بسيارة خاصة + كولا )
هل المدة تكفي لزيارة هذي الاماكن الجميلة وياليت تفيدوني بالليالي اللي تستحقها كل من هالمناطق
وبالنسبة للحجز عن طريق موقع السعودية اقدر احط رقم الهوية الوطنية بدل ماحط رقم جواز السفر بحكم ان جواز السفر حقي منتهي ومافيني اجدده بهالوقت . وبالنسبة لزوجتي ماعندها بطاقة هوية وطنية اقدر اكتب رقم سجلها واحط تاريخ انتهاء من عندي ويمشي الحال
وبالنسبة للاسم بالانجليزي هل عادي اكتبه ويمكن مايكون مطابق للجواز بعدين اذا طلعته علما باني ماقدر اطلعلها جواز بها الوقت وخايف ان العروض تنتهي
واخيرا وش رايكم بمنتجع ( ذا فيلا ) الموجود في سيلانجور هل يستاهل اقضي في اول ليلتين بحكم ان سعره شوي مرتفع
وأخيرا كيف شايفين ماليزيا ل(شهر العسل) ....
ادري اني طولت عليكم بس ياليت تفيدوني خاصتا بأمور الحجز ع السعودية
وشكرا الله لايحرمكم من تحبون .
الجو في ماليزيا استوائي حار رطب ممطر طوال العام
المدة جيدة و تستطيع تقسيمها الىسيلانجور 2لنكاوي 3بينانج 3كاميرون 2كوالا 3
بالنسبة للحجز على السعودية اللي اعرفه انك تستطيع تغير رقم الإثبات من هوية وطنية او جواز سفر او اي مستند لاحقا من تعديل بياناتي
لا تستطيع تغير الاسم ولا الكنية الا بدفع رسوم
لذلك حاول ان تتأكد عند كتابة الاسم بالإنجليزي من الأحرف
المنتجع في سيلانجور اظن انك تقصد صن واي ريسورت الفيلا منه وهو فخم جداً و خيار مميز لشهر العسل
ماليزيا رائعة بكل ما تحمله الكلمة
لا تتردد باي استفسار
وفقكم الله