ولد المندوس
01-11-2022 - 04:15 pm
السلام عليكم
كيف حالكم جميعا طبعا هذه اول مشاركه لي معاكم وحبيت اخذ رأيكم ياهل الخبره
طبعا زواجي بيكون بعد العيد باذن الله وعقبالكم جميعا يارب وطبعا حبيت المنتدى بشكل موطبيعي
واستفدت وايدمنكم بسفراتي المهم ياجماعه الخير ماراح اطول عليكم وراح احاول اختصر الموضوع
فكرت بسفره بسيطه تكون رحله العمر وشفت انها فرصة وكانت وايد اختيارات منها جزر المالديف وجزر سيشل او رحلة أوروبية
ومن خلال تقاريركم الحلوه والجميله قررت اسافر على أوروبا وهذي اول مره فيها اروح اوروبا
المهم عملت فيزا الشنغن وحجزت التذاكر كانت بتاريخ 20/8الى 1/9يعني حوالي 12 يوم تقريبا
واحترت في اخيار الفنادق والمناطق والجدول الي خططت له 4 ميونخ /4ايام زلامسي /4ايام فينا
وانا اجوف اربع ايام بميونخ وايد وقلت بقعد فيها يوم واحد بس وحبيت اعرف في خيارات بديله
وحبيت استشيركم عن المواصلات هل ااجر سياره او ااج سياره مع سايق او اخذ القطارات
وبكون سعيد بمساعدتكم لي والله ييوفقكم جميعا يارب
وتقبلوا تحياتي
أتمنى تفيدنا بمحطة الوصول والعودة عشان تكون الصورة واضحة