ياسلام 9 ايام
انا زرتها 5 مرات
واحب اطمنك الجزر روعة روعة غاية في الجمال ومتاكد راح تنبسطون فيها كثير
المهم بما ان المدة طويلة 9 ليالي من رأيي انكم تقسمون في السكن مابين 3 منتجعات
اول 3 ايام في جزيرة ماهي
وبعدها 3 ايام في جزيرة براسلين والذهاب يكون عن طريق القارب السريع ويكون معكم قروب كامل لان القارب كبير جدا
و3 ايام الاخيره ترجعون لجزيرة ماهي ومن ثم المطار
افضل منتجعات جزيرة ماهي
فور سيزونز
باينان تري
ميريديان فيشرمانز كوف
هيلتون نورثلوم
افضل منتجعات جزيرة براسلين
رافلز
كونستانس ليموريا
شاتوه
وفيه منتجعات اسبتعدتها لانها 4 نجوم او بسبب غلاءها الفاحش

وبخصوص جزيرة لاديغ الاخيره هذي بتكون قريبة من جزيرة براسلين
افضل مافيه والاجانب يقصدونها عشان اجمل شاطيء فيها انسي سورس ارجينت
تروحون لها اثناء اقامتكم في براسلين لانها تبعد فقط مدة مابين 10 الى 15 دقيقة على حسب الامواج وقوتها
وايضا يكون الذهاب عن طريق قارب سريع ويكون لها اوقات تبدا من 10الصباح على ما اظن ومن ثم 12
والعودة من 3 و6 المساء من رايي تروحون 12 تسبحون وتشوفون الشاطيء وتتغدون في مطاعمها وترجعون على 3
اذا خلاص اعتد هذا الجول ابدا اذكر ابرز المعالم والاماكن مع انها محدودة جدا وبامكانكم تتطلعون عليها او تستفسرون عنها اثناء تواجدكم بالمنتجع وهم يرتبون لكم رحله بالشاتل ويكون بسعر بسيط جدا

يعطيك العافيه اخوي
بس عندي استفسار بخصوص جزيرة لاديغ .. يعني مايحتاج نقعد فيها كم يوم ؟!
وبالنسبة للمنتجعات اللي ذكرتها يوجد بها شاليهات او غرف برايفت ؟؟!!
والميزانية اللي ذكرتها تكفي لهذه المده ؟
أرجو الإفادة ،، ولك جزيل الشكر

La Digue جزيرة صغيره ومافيها غير الشاطيء اغلب السياح يروحون يقضون فيها نهار كامل ويرجعون
واقرب جزيرة لها هي براسلين واقترحت عليك انكم تقضون فيها 3 ايام ومنها تزورون لاديغ وترجعون لبراسلين نفس اليوم
وبخصوص الميزانية
الارخص في جزيرة Mahe
ميريديان فيشرمانز كوف
وهيلتون نورثلوم
اما براسلين تقريبا كل المنتجعات سعرها عالي
انت جرب واحجز حجز مبدئي ان صار الاجمالي اقل من 60 الف خير وبركة وان صار اقل بكثير من رايي انكم تختارون الافضل وتبسطون نفسكم
بخصوص الميريدان والهيلتون لاتتوفر فيهم مسابح خاصة
المنتجعات اللي تتوفر فيها المسابح الخاصة وفيها خصوصية
الفور سيزونز
وباينيان تري
كلهم جربتهم ممتازين اتوقع الليله الوحدة بتكون في حدود 1000 دولار
انت جرب احجز وشوف كم بتصير التكلفة الاجمالية
وبجزيرة براسلين
رافلز تتوفر فيها مسبح خاص
اما كونستانس ليموريا وشاتوه تتوفر لكن باجنحه كبيره وغاليه

الله يعطيك العافيه اخوي
كفيت ووفيت