هلا فيك اخوي وصدقني ان شاء الله انك ماراح تندم انك اخترت تركيا
انا قضيت شهر العسل فيها والحين باقي يومين وارجع للسعوديه والله ودي لو كانت اكثر
عموما برنامجي كان على الشكل التالي
3 ايام بورصه
2 اويلات
2 ابانت
4 ايام بورصه
اذا اعجبك البرنامج هذا راح اعطيك اهم الاماكن اللي تتزورها واعلمك بكل مدينه وش تتميز فيه وانت تختار
ومع شركة الحران هم اللي تولو حجز الفنادق استأجرت منهم سائق خاص ب 120 دولار يوميا

ألف شكر على ردك أخوي ريكوبآ .. وآلف مبروك الزوآج .. وعسى آيآمك كلهآ آفرآح ..
آنآ رآسلت شركة الحران وأقترحوا علي هالجدول :
2 nights in istanbul
2 nights in abant
3 nights in bursa
2 nights in yalova
2 nights in kartepe
1 night in istanbul
مدري أنت وش رآيك فيه؟ بمآ آنك موجود هنآك وعرفت المنطقه تقريبآ .. تنصحني امشي على جدولهم أو تنصحني بجدولك اللي مشيت انت عليه ..
وانت مآ زرت أسطنبول؟
طيب أخوي وش أفضل الأمآكن اللي تنصح بزيآرتهآ؟ وش نوع السياره اللي استأجرتوهآ وهل السواق يبقى معكم 24 سآعه؟
لو تكرمت أخوي تسويلي جدول بالمدن والمناطق اللي تنصح بزيارتهآ ..
أول مره أروح تركيآ وتسوي فيني خير لو تتكرم وتخدمني يآلغآلي ..
أتمنى لك أوقآت س ع يده وترجع بآلسلآمه ..

hidden silence
الله يبارك فيك اخوي
شف اخوي اسطنبول مايكفيها يومين بما ان اليوم الاخير مايحسب لانه حيكون استعداد للسفر لكن اذا تخلي اول يوم اسطنبول تريح فيه اذا كانت رحلتك متأخره وتطلع بعدها لأبانت تبعد عن اسطنبول تقريبا 250 كلم وتبعد عن بورصه مسافة 400 كلم وعلى اللي شفت ون جهة نظري فقط انها ماتستحق لانك حتدفع وقود السياره طول هالمسافات لكن يمكن تعجبك وعلى فكره هي بارده مره جوها حلو لكن مافيها شي تتمشى على البحيره بالنهار من بعيد وبالليل فيه حفلات اذا حاب تحظرها ولا مافيه شي
اقترح انك تطلع من اسطنبول بعد ماتنام ليله هناك تطلع الصباح على العباره لبورصه وتبات فيها يومين وبعدها تطلع لااويلات وتبات فيها يومين ويلوا يوم واحد وتطلع بعدها لااسطنبول اربع ليال
والجدول اللي وضعوه لك 12 ليله وانت طالب 10 ايام فماادري
عموما السائق برا اسطنبول انت تتكفل بأكله ومسكنه تعطيه 20 ليره كل يوم وانت تتكفل بالوقود
وداخل اسطنبول ماعليك شي
واهم الاماكن في بورصه : التلفريك والشلال والشجره
وفي اويلات : المغاره وشلالات المياه
وفي اسطنبول: هضبة يوشع وغابة بلغرات وجامع السلطان احمد ومتحف السلاطين وايا صوفيا وجزيرة الاميرات وقلعة البنت والبرج وحديقة فلوريا هاذي اهم الاماكن اللي زرتها
واي سؤال ثاني انا حاضر

هلااخوي انا الحين متواجد في اسطنبول ****************
انتظر الرد منك
عفوا ... إدارة المنتدى تمنع نشر الأرقام الخاصة

اقتراح الحران مناسب لك
و عسى الله يوفقك و يهنيكم في السفره

السلام عليكم ورحمة الله وبركاته
أخوكم يريد أرقام سائقين مثل الأخت أم غلا أشارت إلى سائق ممتاز يدعى سالم أرجو من يعرف معلومات يراسلني على الخاص وهل أسعارهم معقولة لملازمة العائلة لنصف يوم أو يوم

recoba622
ألف شكر أخوي ReCoBa على الرد والنصيحه ..
والله يجزآك خير وترجع لديرتك بآلسلآمه ..
أنا قررت أقعد ليلتين في أسطنبول
ثلاث ليال في بورصه
ليلتين في أوزنجول
ليلتين في أويلأت
وبعدين أرجع لأسطنبول ليلتين
مدري شرآيك في الجدول .. !!
تعبنآك معنآ خيو ..

مبروك اخوي واتمنى تمدد العشره ايام
تقدر تأخر العوده خمسه ايام اواكثر
لان السفر من استنبول الى طرابزون ذهاب واياب بفلوس وخساره ماحللت قيمة التذكره
لان اوزنجل على الاقل 3ايام بدون طرابزون
وياليت احد الاخوه الخبراء يحط جدول للاستفاده وجزاه الله الف خير لان الكثير محتاج جدول خطوه بخطوه
مكان السكن والخروج من الفندق والذهاب الى...(ذكر الاماكن )
والعوده للفندق والمبيت به
ثم اليوم الثاني وهكذا...ذكر اللاماكن المراد الذهاب بها

ام غلا
الله يعطيك العآفيه أخوي ومشكور على هالخدمه ..
بس بالنسبه للسآئق بيكون معي طول الوقت؟ ويوصل لآمآكن خآرج اسطنبول؟
لأني بصراحه محتآج لسوآق أمين وثقه وآن شآء آلله آنه محل الثقه بمآ أنه عن طريقك ..
وكيف طريقة التوآصل معه ..؟
تقبل شكري وأمتنآني ..