1. 2- تنصوني اروح ديزني لاند اول ولا باريس؟

هلا أخوي
انا الأن موجود في باريس وراح أجوب علي أسألتك بالي أقدر عليه والموجودين في المنتدي أخبر مني بكثير جدا ونصايحهم
مهمه جدا وانا واحد من المستفيدن منهم لو لا الله ثم المنتدي هذا كنت مثل الأطرش في الزفه وبكلمه معا شكرا لهذا
المنتدي من قائمين عليه والمشاركين بخبرتهم................
1- ماهو افضل فندق في باريس 5 نجوم في الشانزليزيه ؟
بنسبه للفنادق القريبه من الشانز غاليه ولم أجربها ولكن فيه أماكن بنسبه لي أفضل من الناحيه الماديه والمترو مقرب لك كل شي
يعني من طلعتك من الفندق الي الشانز تاخذ من الوقت 5 دقايق وهي منطقة اللادفانس LA DEFENSE

2- تنصوني اروح ديزني لاند اول ولا باريس؟

أنا لم أذهب لها الي الأن لكن من رأي لك انك تنتهي من التجول في باريس وزيارة الامأكن فيها والقضاء فيها مدة من خمس أيام الي أسبوع أتوقع كافيه و تذهب الي ديزني لاند وتقيم فيها يومين وايضا فيه سوق قبل محطة ديزني جميل
جدا بأسعاره حسب ماسمعت من هذا المنتدي الجميل ومن بعض الأشخاص الذين زارو ديزني
3- ابي اعرف شنو احسن المطاعم الفخمه والاماكن السياحيه ؟
بنسبه للمطاعم الفخمه أسعارهم مبالغ فيها مقارنه بمطاعم باريس لكن لايمانع بخوض تجربه فيها ومنها مطعم العجمي
والمطاعم الجميله والخفيفه بيزا بينو و مكدونالدز وكويك يعني بالعربي خلك علي الوجبات الخفيفه
والأماكن السياحيه
برج أيفل ورحله نهريه من جسر النهر القريب من أيفل وأفضل تكون قبل المغيب بنصف ساعه لتستمتع بالنهار واليل مره
وحده
ومتحف اللوفر وقصر فرساي وساحة الكنكورد والحي الاتيني وهناك أماكن ممكن تشاهدها عن طريق المنتدي لم أذهب لها
حتي الأن
4- ابي يكون من ضمن الرحله الذهاب الى جبال الالب شنو الاماكن غير جبال الالب بنصحوني وروح لها في اوربا ؟
لم أخوض التجربه لها لكن ماقرأته جميله جدا وليست قريبه من باريس
5- اذا ممكن تقولولي جم الميزانيه تقريبا بين 7 ايام الى 10 ايام ؟
انت من تحكم علي نفسك فيها في الصرف علي أكلك و المقاهي وتنقلاتك اما بنسبه لسكن مابين باريس اللادفانس وديزني
حوالي من 7000ريال سعودي الي8000
6- وشلون راح يكون الجو في باريس في نص شهر 11؟
الأن الجو بارد تصل درجة الحراره ليلا10 كيف راح تكون نص شهر 11 أكيد أقل بكثير لكن باريس جميله في برده وحرها
7- ابي عنوان المكاتب السياحيه في باريس وتكون مناسبه وامينه؟
انا من رأيي ان كانت لباريس مايحتاج لكن أذا كانت بر باريس معك فيها وانا كتبت في المنتدي كنت محتاج مساعده
وماقصروا معي واعطوني مواقع مكاتب سياحيه في باريس
Paris Vision - Excursions, visites guidées, séjours à Paris et en France en autocar ou minibus
http://www.cityrama.com
8- شنو احسن طيران من الكويت لباريس؟
مأعرف الصراحه لكن أكيد الطيران المحلي أفضل لأنه دايركت والخطوط الكويتيه من الخطوط الأولي في الشرق الأوسط
حسب ماسمعت وأكيد ممتازه
انا بصراحه اول مره راح اروح ان شاء الله لفرنسا
وماراح تنساها وراح ترجع لها أكثر من مره
واتمني وفقت برد
اتمني لك سفره سعيد

مشكور وما قصر برد

اتمنا من الاخوان في المنتدي ان يساعدوني اكثر
برامج كامل لفرنسا ولجبال الالب لو يوم واحد والديزني ابي اقعد فيها يوم واحد
واذا ممكن تساعدوني فالبرنامج وترتيب الرحله
واذا عندكم برنامج احسن في اوربا ما نردكم
ارجو مساعدتي

وممكن استفسار عن القلعه لوباروكس وين مكانها باريس واذا خارج باريس كم تبعد هذي القلعه عن باريس
وممكن تساعدوني جم سعر جناح ملكي فندق بلازا اثينا اللي بجانب حديقة النحت في متحف رودان
ارجو المساعده

وين فزعتكم يا حلوين

صادر ووارد
اتمنالك رحلة موفقة و مبروك مقدما

sereemjio
الله يبارك فيك انشاالله
مشكور ماقصرت