Syd.boy
ومره ثانيه نتمنى لك التوفيق

بن زامل 3
الله يعطيك الف عافية يا ابن زامل ما قصرت،،،،
أن شاء الله خلاص بأدفع قيمة التذاكر هذا الاسبوع و بصراحة السعر اعجبني بالبداية خصوصاً انها دايركت بدون توقف بس بعدين بديت اشوف بعض الردود تقول التذاكر كانت بحدود ال1000 بس الظاهر هذا بالفصول الثانية غير الصيف،،،
و بالنسبة لتقسيم الايام ما ادري لحد الان مو مقتنع 100 بعض المرات اقول ازود يوم بالشمال التركي و اخلي بورصه بس يوم واحد و حتى الغي بورصه نهائياً و اخلي الايام بالنصف ما بين الشمال التركي و اسطنبول ؟؟
ياليت اللي اي رأي يقوله ؟؟
و بعدين بالنسبة للسكن باسطنبول تصحني اخليه كامل ال7 ليالي في السلطان احمد بنفس الفندق او اغير ؟؟ يعني مثلاًِ يومين بتقسيم ؟
وش الافضل ؟
و تحياتي للجميع،،،

مساء الخير آسف على رفع الموضوع مرة ثانية بس محتاج المزيد من الاراء من الجميع و خصوصاً مشرفنا الاخ ماجد
علشان ابدا بحجز الفنادق من الان ؟؟
و شكراً مقدماً،،،،

صباح الورد يا حلو
Syd.boy
ياليت اللي اي رأي يقوله ؟؟
و بعدين بالنسبة للسكن باسطنبول تصحني اخليه كامل ال7 ليالي في السلطان احمد بنفس الفندق او اغير ؟؟ يعني مثلاًِ يومين بتقسيم ؟
لا خلك بفندق واحد ، عشان تنزل اغراضك مرة وحدة ، وما تقفلها إلا لما تروح المطار
وش الافضل ؟
و تحياتي للجميع،،،
وياليت تذكرني بتواريخك
لإنه الامور راح تختلف لو كان في توقيت غير مناسب
وألف مبروك يا عريس

ماجد الفهد
وياليت تذكرني بتواريخك
لإنه الامور راح تختلف لو كان في توقيت غير مناسب
وألف مبروك يا عريس
اخيراً شرفتني بمرورك أخ ماجد و الله يبارك فيك,,,
والله يعطيك الف عافية على مساعدتك للجميع و يجزاك كل خير أنت و الاخوان امثال ابن زامل جميعاً,,,
نرجع للموضوع نعم 14 ليلة (الوصول يوم الثلاثاء عصراً 5 اغسطس و المغادرة يوم الثلاثاء عصراً 19 اغسطس).
صراحة ما ادري عن اقتراحك 8 او 9 ايام بالشمال ما تحس انها كثيرة و ممكن يصير فيه ملل ؟
و بالنسبة للفيزا شهر قبل موعد السفر ان شاء الله راح يكون كافي ؟؟
بالمناسبة مزانيتي بحدود 22000 من غير التذاكر تتوقع تكفي بالراحة أو أقلل عدد الايام ؟؟
نرجع لتقسيم الايام
انا ما ادري عن الاشياء اللي ممكن اسويها بالشمال يعني فيه فعاليات الواحد يسويها مثلاً اسواق و مقاهي يعني الواحد يزورها بالمساء خصوصاُ طرابزون ؟
بعد ردك عندي تصور جديد ؟
و بالنسبة لي أفضل بالبداية اجلس كم ليلة "ليلتين اقل شي" باسطنبول بدون ما اروح اماكن سياحية بس تمشي حول المدينة و مقاهي و كذا..
و بعدين مثلاً 6 ايام بالشمال "اذا فيه اشياء كثيرة الواحد يسويها ممكن و تصير افضل من اسطنبول اخليها 7 ليالي على حسب نصيحتك و رأيك" ؟
ثم ارجع اسطنبول للايام الباقية و أخلي يوم واحد زيارة من الصباح الى بورصه مثلاً ؟
و سؤال اخير ما قلت لي رأيك بانطاليا لو ازورها يومين بس ؟ او ما تسوى يومين تصير مشوار على الفاضي ؟
لما ترد مشكورا على الاسئلة اللي فوق راح اقول لك الفنادق اللي احسها حلوه و تناسب مزانيتي "محدد واحد" باسطنبول و ابغآ اعرف رأيك فيه ؟
بس بالنسبة للشمال فيه النوفتيل و فيه فندق اخر شفت رد من ردودك تقول جديد و حلو "في أوزونجول" بس محتاج فندق يكون حلو بوسط ترابطزون
"حسب اللي قريته النوفتيل خارج المدينة قليلاً صح ؟ "
و الله يعطيك الف عافية مقدماً و جزاك الله كل خير أخي العزيز,,,

هلا وغلا بالعريس الطيب
شوف ردي تحت على كل تساؤل
Syd.boy
و بعدين مثلاً 6 ايام بالشمال "اذا فيه اشياء كثيرة الواحد يسويها ممكن و تصير افضل من اسطنبول اخليها 7 ليالي على حسب نصيحتك و رأيك" ؟
7 أو 8 وصدقني ما را تمل
شوف العريس وش مسوي
https://artravelers.com/p/re/889031
وكمان موضوعي فيه الفعاليات
ثم ارجع اسطنبول للايام الباقية و أخلي يوم واحد زيارة من الصباح الى بورصه مثلاً ؟
لا ما يحتاج
بعد الشمال بورصة لا داعي لها
و سؤال اخير ما قلت لي رأيك بانطاليا لو ازورها يومين بس ؟ او ما تسوى يومين تصير مشوار على الفاضي ؟
ما تسوى في الصيف
وكمان أنت عريس
أخاف تزعل العروس من المشاهد اللي على السواحل
لما ترد مشكورا على الاسئلة اللي فوق راح اقول لك الفنادق اللي احسها حلوه و تناسب مزانيتي "محدد واحد" باسطنبول و ابغآ اعرف رأيك فيه ؟
أوكي ننتظرك
بس بالنسبة للشمال فيه النوفتيل و فيه فندق اخر شفت رد من ردودك تقول جديد و حلو "في أوزونجول" بس محتاج فندق يكون حلو بوسط ترابطزون
"حسب اللي قريته النوفتيل خارج المدينة قليلاً صح ؟ "
ترى الديرة صغيرة
يعني خلك ع النوفوتيل
أو شوف أي واحد غيره تقييمه عالي
و الله يعطيك الف عافية مقدماً و جزاك الله كل خير أخي العزيز,,,
أبرك الساعات وعذرا ألف على التأخير