غانم77
12-10-2022 - 09:10 pm
يا اخواني انه ان شاء الله رايح على المانيا تاريخ 562008
على الخطوط القطريه مع زوجتي وبنتي عمرها سنتين الا شهر
وبعرض عليكم مخطط رحلتي واتمنى الرد والاراء والتعديلات من المختصين
اسبوع ميونخ
اسبوع زيلامسي
4ايام فينا
يومين ميونخ
الدوحه
شرايكم
أولا اسبوع في ميونخ
اسبوع في زيلامسي .... عن تجربة كافي عليها 3 ايام لان ما فيها غير الطبيعة هذا اذا ما كان لك النية اتروح كابرون وتنزل من زيلامسي الى ستراسبورغ ...
اما من زيلامسي الى فيينا اتوقع مسافة بالقطار وحتى بالسيارة بعيدة وبعدين بترد من فيينا الى ميونخ المسافة اطول وتعب اكبر
اقتراحي هو انك تطلع من الدوحة الى ميونخ تظل اسبوع اهناك وبعدين الى زيلامسي (تنزل كابرون وستراسبورغ ) انقول اسبوع بعد زين عليهم وبعدين الى زيورخ (مثلا) او انترلاكن ، (يعني المسافات شوي اقرب من انك اتروح الى فيينا وترجع من فيينا الى ميونخ ) انقول سويسرا 4 ايام وبعدين ميونخ مرة ثانية يومين وترد الدوحة
وبعد شوف راي باقي الاعضاء
سلام