musical
انا من مواليد امريكا سان فرانسيسكو عام 1984
خذيت الجواز من وقت ميلادي من امريكا وهم عندي شهادة ميلاد امريكية
والى الحين ما جددت الجواز يعني خذاله 24 سنة مو مجدد
ولكن عندي مشكلة بما اني عندي جنسية سعودية
كانت الدعوه سايبه والقوانين مو ماشيه بالمضبوط هنا بسعودية فكانو يعطون شهادة ميلاد سعودية حق اللي مو لود برى لانو ماكو نظام
فالحاصل انو ابوي استخرج لي شهادة ميلاد سعودية والحين مكتوب في جوازي السعودي وبطاقة الاحوال مكان الميلاد : الدمام
فانتيجة انو عندي شهادة ميلاد امريكية وشهادة ميلاد سعودية وعندي جواز امريكي مكان الميلاد سان فرانسيسكو وجواز سعودي مكان الميلاد الدمام
شسالفه يا اخوان شالحل احس انو مو مرتاح من الشهادتين الميلاد لاني ناوي بعد 3 اسابيع اروح السفارة اجدد الجواز
ياليت احد من الاخوان يشوف لنا الموضوع
مساء الخير
تحيه طيبه الك
وبعد
أقولك من محل خبره توكل على الله جدد جوازك الامانه مافيه اى مشكله.
الذى حصلك حاصل الجميع ترانى مجدد جوازى من السفاره الامركيه.
وبنتي من سفاره البريطانيه الذى تقوله انه معك شادتين ترى عادى.
كلنا معنا مثلك شادتين مختلفتين ترى مشكله ماهو فى السفاره الامركيه .
مشكله عندنا.
مره ثانيه توكل على الله جدد دعوه سهلات.
والسلام ختام

يعطيك الف عافيه مشكور اخوي
بس اللي انا اقصده انو انا في جوازي السعودي مكتوب مكان الميلاد الدمام
وفي جوازي الامريكي مكتوب مكان الميلاد كاليفورنيا سان فرانسيسكو
وعندي شهادة ميلاد سعودية تثبت اني مولود في الدمام
وهم عندي شهادة ميلاد تثبت اني مولود في امريكا سان فرانسيسكو

musical
مساء الخير مره اخري
ترى كلامك واضح مره ثانيه اقولك مافيه شكله نسبه الى السفاره الامريكيه
يا خوي والله لو انك والد فى القمر هنا فى السعوديه يسجلون مكان الولاده حسب رقبتهم ولا على حسب رقبه والدك.
ترى احسن عندك شهاده سعوديه والد فى الدمام.
لو ان شهاده السعوديه مكتوب سعودى والد فى امريكا
كان عقدوك انت وعيالك فى الوظائف.
يا خوي الله يرحم شيبانك الذى فكرو صح
والسلام تحيه

يعطيك الف عافيه يا قلب والله ريحتني من جد وتسلم للمره المليون
وان شاء الله نخدمك في المستقبل

طيب أخوي اقدر اغير مكان ميلادي في بطاقة الاحوال من الدمام الى امريكا
انتظر الرد

musical
اخواني اقدر اغير مكان الميلاد من الدمام الى امريكا في بطاقة الاحوال بناء على شهادة الميلاد الامريكية
ومافيها مسائلة ومشاكل ؟
ياليت تفيدوني بأقرب وقت من جد محتاج مساعده