مافي شي معين نحذر منه غير انك ومن معك تتجنبون لبس الذهب والالماس واحرصوا انكم تمسكون تلفوناتكم وشنطكم بطريقه امنه علشان ماينسرقون .. وتجنبوا وضع ممتلكاتكم على الطاولات بالاماكن المكشوفه علشان ماحد يركض يلطشهم
لاتحاولون تحتكون باي احد من جنسيه عربيه او خليجيه او غيره .. يعني لاتكونون علاقات وصداقات واي احد يعرض عليكم خدمات باسعار مخفضه او تذاكر تجنبوه .. مع العلم اني في ديزني لاند باريس اشتريت تذاكر من واحد برى كانت شركته تعطيه التذكره ب 19 يورو وباعها علي ب 40 وفي الكاشير ب 68 لكن نقول احتياطا تجنب هالناس .. وعلى الطاري حتى بجنة دلمون بالبحرين يسوونها ويبيعونك تذاكر اصلا هي مجانيه وتسمح للمرافق بالدخول مجانا بس جات لصاحبي بنت وقالت له هالتذكره ب 50 ريال وتدخل 2 ولما راحوا اكتشفوا ان انك لازم تشتري تذكره ب 120 والتذكره اللي اشتروها ب 50 تدخل الشخص الاخر مجانا .. يعني حتى بالخليج موجود النصب وللاسف انهم بنات بحرينيات
التكاسي تمشي بنظام العداد ولاتعكيه الا اللي مكتوب بالعداد ماعدى توصيل المطار يزيد مبلغ بسيط علشان الشنط تقريبا 2 يورو
في شخص حذروا منه الاخوان ببرشلونه انه يدعي انه سعودي وعايلته الاحمدي من المدينه المنوره وجاي مع عمه للعلاج يعرض خدمات وتذاكر ملاهي مخفضه لكنه يعطيك تذاكر مزوره
تجنبوا استخدام بطاقات الائتمان في اماكن مشبوهه او تركها في يد الموظف لوقت طويل .. مجرد انه يكشطها ويرجعها لك علشان ماينسخ معلوماتها

مشكور وان شاء الله بميزان حسناتك ما قصرت على هالمعلومات المفيدة الصراحه
انا استفدت منها. عاد انا امشي واتعرف على الناس اشوة انك حذرتني.

والعهدة على الموقع الخاص بقرطبة، وهو ان تكثر السرقات في ايام العطل السبت والاحد من الغجر والراقصين، فهل أحد صار له موقف مشابه يفيدنا ؟؟