الخاسكيه فيها محلات كثير تبيع بالجمله فقط
وفيه عماره قريب من الخاسكيه ,, مقابل فوال مشهور ,,
المهم هذي العماره فيها ملابس بالجمله ,, اظن اسمها عمارة الشريف
بس انتي اسألي بالخاسكيه ,, و يدلونك
بالتوفيق
,,

ماقصرتي اختي ام عزيز ويعطيك الف عافية والله يوسع لك برزقك
طيب تقدرين تقولين الاسعار تتراوح من كم لكم بالدرزن

بالنسبه للشنط الجلد الدرزن بحدود 500 - 700 ريال
الجينز الدرزن 150 - 250
الملابس ,, ما عندي فكره , لكن صدقيني رخيصه
و الصيني اكيد ارخص من التركي
بالنسبه للعماره اللي قلت لك عليها ,, اسألي عن المحلات
اللي تبيع تجهيزات محلات الملابس : شماعات , ستاندات ,
ماليكانات , جملة الملابس بنفس العماره
بالتوفيق
و دعواتك
,,

الله يغفر ذنبك يام عزيز ويجعل مثواك الجنة ووالديك ممكن بعد سؤال الله يعينك علي
اي درجة هذي الشنط اللي 500الى 700

ما انصحك ابد تبدأين بهذه الطريقة لأن غيرك راح للصين وتايوان وجابها بابخص الأسعار وراح يطلع منك ربحه فيها
انصحك انك تبدأين بدراسة السوق ونوع المشترين
لأن التقليد درجات
واللحين البنات اصبحوا اكثر وعي ودراية وعارفين بالضبط درجة التقليد
واذا بغيتي تبيعين شيء مقلد فاما يكون تقليده ممتاز والا يا فلا
انصحك تتعرفين على احدى تجار الشنط المشهوريت هنا في جدة و تبدأين تبيعين بالحبة
وتاخذين نسبة بكذا تعرفين بالضبط للشغلة والصنعه
خاصة انها فيها قصص وروايات من الشراء للتخليص الى التسويق في المملكة
بعد كذا ممكن تعملين لك راس مال وتطلعين للصين او تتفقين مع احد يجيب لك البضاعة
لأن موضوع الشنط والماركات بالذات لا يستحمل الستوكات
سعر الشنط المقلدة في السوق هذي الأيام يتراوح بين 2000 و 3500 ريال
وبتكون سعرها الأصلي بين 20 و 40 الف ريال
والأخيرة انا متأكد منها
لأنه فيه ناس ماترضى ابد بالتقليد

مشكور اخوي ابو عزيز ممكن تشرح لي كلامك هذا مافهمته
لأن موضوع الشنط والماركات بالذات لا يستحمل الستوكات
سعر الشنط المقلدة في السوق هذي الأيام يتراوح بين 2000 و 3500 ريال
وبتكون سعرها الأصلي بين 20 و 40 الف ريال
والأخيرة انا متأكد منها
بعدين انا جبت تقليد ممتاز من دولة مجاورة ومارضوا يشتروامني 200و250 لانه عندهم غالي
يشرونه من المحلات معليش لكن من حرمة لا ينفعون الاجنبي ولا ينفعون القريب ويبون الرخيص جربت مرتين بعت نصهم جبت راسمالي وربح بسيط
المرة الاولى والثانية للحين ماراح الا الربع ماجبت راس المال عشان كذا ابي الرخيص ابجرب
واكرر شكري على نصيحتك

لؤلؤة نجد
اعذري صراحتي
شنط الماركات اذا بتجبين منها ستوكات وكمية كبيرة ابو 100 و 150 ريال فراح تبيعين كميات كبيرة وتتعبين بشيلهم وحطهم والمكسب موجود لكن بعد جهد جهيد
بينما شنط الماركة الغالية وتقليدها ممتاز واذا اختيرت حسب الموديل واللون المرغوب فراح يكفيكي تبيعين 3 حتى تجيبين راس مالك
تجربتك الأولى ربما لم يكتب لها النجاح اما بسبب النوعية والموديلات والألوان
او بسبب انك توجهتي للزباين الخطأ
بنات النعمة اللي ما شاء الله ربي اعطاهم ما يسالون بالتقليد لكن فيه طبقة قريبة منهم سواء صديقات وحتى بعض الأحيان قريبات من هذه الطبقة اللي تبي تسايرهم وتنافسهم حاصة بموضوع الشنط والجزادين
لذا انا صار لي فترة اراقب اشياء بتحصل امامي و وجدت ان بيع الشنط ذات التقليد العالي واللي يكون سعر الشنطه 80 دولار فقط من مصدرها تباع 800 الى 1500 ريال
عارفين بالضبط وين تباع ومتى
مثلا البيع اللي عليه الكلام لمثل هذي النوعية الغالية من الشنط التقليد تحصلينها في الرياض اكثر بكثير من جدة
البازارات ومو كلها مكان ممتاز للبيع ومعرفة اذواق المشتريين وحتى بازارات ومعارض جدة ماعليها اقبال وشراء حقيقي مثل ماهو موجود في الرياض
مهم ايضا معرفة التوقيت الصحيح للبازار او المعرض قبل الاشتراك فيه لأنه فيه اوقات لا تصلح
الموضوع انا اخذه دراسة وتحليل من باب اللقافة ولأنه تخصص عملي التسويقي المالي
اذا حابه توضيح لأمور لا يمكن توضيحها هنا ممكن ادلك على صاحبات بزنس من هذا النوع في جدة والرياض

الله يعطيك الف عافية وانا فعلا البيع اللي تم عندي بالرياض
وياليت تدلني على صاحبات البزنس اللي بالرياض
بس هل تتوقع بيتعاونون معي
انا ايش اللي شجعني على المغامرة اشوفهم يشترون على 200 و300 قلت خلاص انا ابجيب منها لكن بما اني اجيب جملة فانا ملزمة بالوان غير مرغوبة وهي غالبا اللي تبقى لان اذا اخترت الوان مرغوبة يرفض طلبي باني اشتري حبة مو جملة
واشكر لك تعاونك

ممكن تعطونا المكان وين بالتفصيل لان معزم اروح جده الاسبوع الجاي