مساء الخير جميعاً يمكن دخولي إلى المندى قليل بس عشان اتطقس واشوف أخبار المسافرين أخوانا، ولكن أود إضافة تقرير بسيط ومتأخر نسبياً
تقريري البسيط يحكي رحلتي مع عائلتي إلى شنزن وهي المنطقة الجنوبية في الصين وأقرب منطقة إلى هونج كونج
جميلة تلك مقاطعة جميلة بما تعنيه الكلمة المستوى المعيشي راقي حيث مثل ما يقولون الكتاب باين من عنوانه يعني أبسط الأمور السيارات اللي تمشي بالشار بي أم 700 موديل 2006 2005 مرسيدس حوت وشبح أودي A8 الناس كل واحد بحالة بس كانوا بكل لحظة يقوفونه ويصورن عيالي ومنبهرين بعيون اليهال
الأكل ماكدونالدز بيتزا هت كنتاكي على مد النظر ستار بكس رابيت كافيه وين ما تمشي ، بضائع تقليد رخص التراب شباصات تراشي يعني حلق على 30 فلس كويتي جناط مدرسة جواتي ( أحذية أشكال والوان ) يعني كل شي شفناه رخيص ، ألعاب الأطفال يعني أماكن لعب الجيمز حدها رخيصة والهدايا تونس مو طفل المستقبل المهم الفندق خذينه فندق شحليله راقي ونظيف غرفتين داخل بعض عشان اليهال تصوروا ب7 دنانير كويتي والتاكسي رخيص . الحين وبعد اسبوع احنا رايحين انشالله مرة ثانية بس الشي البايخ اللي واجهنا إني ما عرف مكتب يشيل الأغراض والجناط اللي ترسناها صوايغ وأغراض مو بضايع فتوهقنا بالنقلة من شنزن إلى هونج كونج لأن أول مرة ، ولكن هالمرة أتمنى قبل لا أروح خدمة إنسانية إنكم تعطوني مكتب شحن في شنزن لأني مستانسة حيل عليها وبخاطري اشتري أغراض وما بي أبجي وانا رادة الكويت لأن الغريب هناك ما كو عمال يساعدونك ويشيلون حتى لو تدفع لهم 10 دنانير تمنى تفيدوني يا فطاحلة الصين واللي عنده خبرة .
كثر الله خيركم أختكم جناوي
ا