*؛؛شـمــوخ ؛؛*
20-01-2022 - 09:21 pm
السلام عليكم ورحمة الله وبركاته
ابشركم وصلت على خير لكوالالمبور الساعه 11 الصباح بوم الاربعاء
لكن توهقت بالفنادق اخذت تاكسي من المطار ب 80 رينجت الى كوالا
مع شخص اسمه اسماعيل مسلم وخلوق
ولفيت فندق فندق والنتيجه فل فل فل شو العمل :112: :112:
تعب وقلق عفشك معك وانت مو محصل حجز والمشكله مايمديك تنزل من السياره يقولك فل فل
لحد المغرب رحت الى جولد هورس اخر شي يعني طلعت عن سنتر كوالا بالضبط
حدود كوالا وقالو فل
بس اخبروني انو يوجد فندق يبعد عنه 10 دقايق اسمه ماينز mines
قلت اوكي لوه بالف باخذه اهم شي انام وارتاح
لما رحت هناك رحبو وقالو تفضلو خ استانست
المهم الفندق صح بعيد بس هبال يطل على بحيره صناعيه وخضره كانك في بينانج
من جد حلو وسعره احلى الليله ب 322 رينجت مع الافطار
اخذت ليلتين بس واو جنان
المهم من بكره قلت لازم ابحث وادور حصلت كويس ماحصلت مددت
التاكسي ياخك ب 30 رينجت
المهم رحت لشارع العرب في شركات قلت بجرب
دخلت حصلت واحد ********** ربي يوفقه ويفرج له دنيا واخره
حجز لي في فندقين كنت افحط ابيهم بالرياض يقولوا انسي مستحيل لحد نهاية اغسطس المهم حجزهم وهم فندق كراون برينسيس 255رينجت واخر ليلتين في سويس جاردن 240رينجت
وبكذا انحلت مشكلتي ولله الحمد
للعلم فندق ماينز جدا قمه ويعتبر رخيص بس مشكلته البعد
ويقال اللي يبي سياحه يروح له لانه شامل ترفيه واسواق ومطاعم
والاخ فايز افادني كثير لان من جد ماكنت متوقعه الاقي حجز
كوالا مفلله
باي
حمداً لله على سلامة الوصول إلى ماليزيا ... ومن الخطأ في رأيي الذهاب دون حجز للفنادق على الأقل الأيام الأولى
ترجع بالسلامة أخي الكريم ولاتنسى ترتب التقرير السنع والصور ترانا ننتظر
رحلتي الثانية إلى ماليزيا .... تقرير مصور . https://artravelers.com