الحمد لله على السلامة
المهم التقرير وين

أخوي الشملول شد حيلك وعلى قولة اخوي عاشق بيروت ترانا على احر من الجمر ننتظر تقريرك والله قبل اادخل على هالموضوع كنت داخل ملفك الشخصي ادور على التقرير لأن قرأت في موضوع سابق لك انك بتنزل التقرير
عموما يا اخوي الغالي عندي اسئلة كثيرة عن هالموضوع تحملني شوي
انا بجي انا والمدام في تاريخ 3/8 وبسكن في بيروت بمشيئة الله وابي معلومات عن هالمنطقة لأن ودي اقضي يوم فيها
س1 : كم تبعد هذي المنطقة عن بيروت سوا مسافة او وقت ؟
س2 : اي وقت تنصحني اطلع من بيروت ومتى تنصحني ارجع لبيروت ؟ (هل اطلع للمنطقة مبكرا وارجع مبكرا والا وشلون ) أعتقد انك فهمت سؤالي لأن بصراحة احيانا ما اعرف اشرح زين
س3 : هل ذهابي انا وزوجتي فيه مخاطرة ... يعني هالمنطقة آمنه ؟
س4 : هل يوجد اماكن اقدر استريح يعني مطاعم او مقاهي أو منتزهات أو غيرها من الأماكن اللي ممكن نجلس فيها
؟
س 5: كيف الجو العام للمنطقة طبعا ما اقصد الطقس اقصد الطبيعة العامة للمنطقة ؟
س 6 : وش تنصحني اخذ معي وأنا رايح لها يعني هل اخذ ملابس شتوية أو أكل أو شي آخر ؟
آسف اخوي الشملول على هالأسئلة الكثيرة بس غصب عني انا اول مرة اجي لبنان وودي ازور كل شي وخصوصا هالمنطقة لأني سمعت عنها الكثير من الأعضاء
وتكفى ابي اجابات تبرد القلب