اهلين وسهلين
اول شي اقولكم اشتقت لكم ياغالين ..... والحمدلله على سلامتنا وسلامة كل مسافرين
بصراحه انا جيت من ماليزيا بعد رحله كان ابطالها 3شباب ( 2اخوان وولد خالتنا معنا )
الفضل بعد الله في الاسمتاع في ماليزيا هو وأقولها بالفم المليان
هو المنتدى هذا وبالتحديد انتم ومشاركاتكم وخبراتكم
ووالله العظيم اني جلست لمدة اسبوعين قبل سفرتي لماليزيا ...على هالمنتدى .....اتصفح اقل شي ساعه تقريبا
لدرجة اني بدون اي مبالغه واي تهويل ... ان اخوي وولد خالتي يقولون لي .. لو مانعرفك قلنا انك رايح قبلنا
العمليه كانت سهله ياشباب وهي انه اخذنا كل الاشياء الحلوه من نصائح و اماكن وحيل حلوه وانتبهنا للمساوء الي حذرتمونا منها ... وبالنهايه طلعنا بسفره ماحسيت شخصيا اني غريب فيها وقدتها بكل أحتراف وخبره
لدرجة اني طابع بعض الصفحات ... مثل ارقام السواقين ... وترجمة ورقة الدخول لماليزيا ههه لدرجة اني صرت مترجم ههه لحول 4 عوائل في هالورقه الله يجزي من حط موضوعها بالخير
يعني الغريب ان بعض الناس راحوا ولااعجبتهم لأن هذى طبيعي لأنه يروح بدون معلومات او تحضير للسفره
والحمدلله في هالمنتدى الى الشرح بالصور والأماكن بالصور يعني يخليك وانت ببيتك تحدد معايير الرحله قبل بدئها .
والله العظيم اني قدت الرحله بأحتراف وكأني جايها من قبل والفضل مثل ما قلت لأقلامكم
وعن رحلتي لو اعرف احط الصور حطيتها .....
وراح احكيلكم عنها وهي
7ليله
3 ليالي سلانقور ==== الفندق صن واي لاجون
5 ليالي بيننج==== فندق بارك رويال
ليلتين لنكاوي==== شيراتون بيردانا
ليلتين جنتنج === جنتنج هوتيل
4ليالي كوالالمبور ===== فندق رينيسانس
وفي الظهر الرجوع للسعوديه
راح اقولكم امور حلوه وش صار معنى ... وش مميزات الفنادق وش احلى الأماكن ... النصايح ... التحذيرات
ماراح ابخل ابد للمسافرين بأي شي .... بس هذي مقدمه اعتبرها مهمه للي بيسافرون وشكر للي مابخلوا علينا بتجاربهم وصورهم وان شاء الله اني منهم
وشكرا جزيلا لكم