أهلاً أختى فى جدة ..
فى شقق اسمها مرجان جدة متوفر فيها مسبح للصغار ، وهى على شارع الستين ميزتها قريبة جداً من الصيرفى مول (7 دقائق مشى تقريباً) ومن هناك لشارع التحلية.
الشقق صار لها 3 سنين تقريباً لكن مؤثثة بشكل فاخر ، عشان كدا شوى غالية يعنى عندهم أصغر شى الاستوديو (غرفة مع حمام بدون صالة زى غرف الفنادق) 240 ريال ..
على العموم بياناتهم موجودة فى موضوعى المثبت عن شقق جدة .

مشكور اخوي شاعري علي اهتمامك وجزاك الله الف خير
غرفه بدون صاله احسها مره صغيره ممكن تدلوني علي غيرها ولكم مني الدعا

العفو أختى ..
ما أدرى يمكن عندهم شقق فيها صالة بس أكيد بتكون أغلى ، أنا سألت على حسب السعر المحدد ،على العموم تواصلى معاهم وشوفى كيف الوضع..
بالنسبة لشقق فيها مسبح فى شقق ثانية إسمها ورود الصفوة ، حلوة بس غالية ، مافيها غرفة واحدة أقل شى غرفتين ب(350)

الله يجزاكم خير ساعدوني السفره قربت ولسه مالقيت شقه تناسبني

سألتلك عن شقة مع صالة فى مرجان جدة ..قالوا 360 يعنى بتزيد 120 ريال عن سعرها بدون صالة
الموضوع إن الشقق اللى فيها مسابح نادرة على مستوى المملكة ككل