اختي العزيزه بنت عنيزه عن تجربه تكسيم لاتصلح لسكن العائلات ابدا وبصراحه اكثر تركيا كوم وتكسيم كوم ثاني يعني فيها مشاكل كثيره ودايما فوضى وبوليس اختاري المناطق اللي حول السلطان احمد ترى فيه فنادق راقيه وامنه انا جربت الهوليدي ان اللي امام المترو جيد وفيه فنادق قريبه من البازار المصري وقريبه من الكورنيش والبواخر يعني ماتحتاجين سياره اتمنى لك سفرا سعيدا وفيه موضوع مثبت وهو موسوعة الواضيع المميزه والجميله

اختي بنت عنيزه عندي شنيطه قديمه اثريه اخشها عن الكل يحسبون فيها قروش وهي والله اغلى عندي من كل شي ولن تقدر بثمن اخبي فيها الكتب السياحيه والبروشرات الخاصه بالفنادق ولما قريت استفسارك رحت طلعتها مع اني مااطلعها الا في الصيف لكن يالله يستاهلون اهل عنيزه .....المهم اني حصلت خوش فندق كنا نتغدى فيه وهو يقع بقرب كل شي البسفور ويمكنكم مشاهدة اليخوت والبواخر اللي رايحه جايه من
جلسة المطعم اللي في الدور الاخير منظر خطير وايضا قريب من البازار المصري ومحطة المترو والمطاعم وساحة الحمام واماكن كثيره ايه تذكرت والمقاهي الشعبيه كأنها الحسين في مصر بس هذي احسن كثير ....اسم الفندق ... world park hotel
http://www.worldparkhotel.com
tel:902125276767طبعا الفندق 5نجوم والمسجد القريب منه هو المسجد الجديد اعتقد ميزته اسعاره جيده وفي المتناول وغرفه واسعه ونظيف وشياكه يناسب نا حنا يالحريم عند السوق تروحين مشي بس مين بيشيل الاغراض؟؟؟؟ الفندق ممكن يتعاون وفيه ورعان شيالين وعطيه كرت الفندق لو ضاع ولاتحملينه اشياء غاليه خليه للصابون والليف والفوط اتمنى لك كل السعاده

تقسيم صعب السكن بها .
عندك منطقة ترابيا هادئة جميلة بعيدة صحيح انما السكن بها متعة .
وكمان صراير اقل في المميزات من ترابيا .

مشكورين ماقصرتو بس انا ابي شقه مابي فندق
اما بالنسبه لمنطقة تكسيم معتاده عليها سكنت في هلتون وفي حياة ريجنسي
بس انا اول مره اسكن بشقه وكنت بآخذ رايكم بالشقق
ياليت اذا سمحتو عناوين لشقق كويسه في استانبول
اختي غيوم ورديه تسلمين يالغاليه على قشك والاثار اللي طلعتيها لول

العفو اختي انا مثل وضعك لي فتره ابحث عن شقق نظيفه في طرابزون.....اختي تكسيم اعتقد انها متراميه الاطراف ومناطق مثل الخبر والشقق اللي حول الراشد فيها فرق واضح عن شقق السوق مثلا فالمنطقه اللي
عند النصب التذكاري وساحة الاحتفالات والشارع التجاري منطقه ممكن تتمشي فيها لكن السكن بعايله وابناء اجدها صعبه لكن منطقة الكراون بلازا والهوليدي ان لاوالله خوش منطقه .....المهم عزيزتي ذكرت منطقه ترابيا وسرير اوصرير يسكنها اكثر الخليجيين قيل انها جميله هادئه تطل على البسفور
ولكنها بعيده والسكن اغلبه شقق اتراك ولااعلم هل فيه شركات اوشقق مفروشه تابعه لها ؟؟؟
وكاني قرات عن فلل خشبيه اتمنى ان اجد الرابط لتعم الفائده اختي هل انتم عائله ام شخصين ؟؟؟
وهل تريدينها شقة عائله تركيه ام ضروري تكون شقه مفروشه وفخمه ؟؟ لك مني كل الامنيات بسفره
تجنن ان شاء الله واذا حصلتي لاتحرمينا المعلومه

احنا شخصين فقط
وحابه هذي المناطق تكسيم ,بكركوي ,اتاكوي
ترابيا والمناطق اللي حولها بعيده عن وسط البلد واحنا مامعنا سياره خاصه وملزومين بهالتكاسي

شوفي اختي مالك الا القنصليه ترى يتعاونون او شركه سياحيه عربيه وهواتفهم موجوده في موضوع السياحه العائليه في تركيا وايضا المكاتب الكويتيه السياحيه ترى مايقصرون