بالنسبة للشقق الفندقية omni tower ببانكوك موقعة ليس ببعيد عن منطقة العرب حدود 500-600 متر و بصراحة انا سكنت فية سابقا ممتاز من ناحية الموقع و النظافة و الامن و الامان و يصلح للعوائل ، يعاب علية عند التقاطع لمنطقة العرب و خاصة بالليل وجود البارات و المراقص .

اخويه انا عرفت انه كل شقه تختلف عن الثانيه
كنا ساكنين في شقة أعوذ بالله منها ماشي نظافة ابدا
لكن انصدمنا ونحن انمر في الممرات انه شي شقق ولا اروع يعني انته وحظك بالشقق
ما انصحك فيه لانه شارعه كله بارات واتشوف والعياذ بالله يشربون ويرقصون جدام عينك
شي في المنطقة الثانية في نانا فنادق احلى بوايد مثل اماري بوليفارد وبل اير برنسس ( عن تجربه )
بس مب شقق
الله يوفقك

فاشل من حيث الموقع والنظافه والخدمه
سكنا فيه لمدة اسبوع والصور في الموقع عكس الواقع
وتنبيه :اذا انقفل الباب ومامعاك مفتاح لازم تدفع 500 بات !! انا ما ادري من وين اخترعوا هالنظام
والعرب لهم ادارة خاصه والاجانب اداره ثانيه وادارة العرب تسكر الساعه 11 عكس ادارة الاجانب الي فاتحه 24 ساعة
((على العموم اي فندق يرتاده العرب ابعد عنه))

اخوي حسن الحمادي عطني رايك بشكل عام عن الفندق والبارات مقابل الفندق مباشره

ولد البحرين وين ردك عن حالة الفندق انا بانتظارك

الصراحة
خوفتونا يا جماعة
ان الاسبوع االياي ساير
وشي ناس ساكنين فيه حاليا مدحولنا اياه
والاخ حسن مدحه لي

ياالله انا حاجزة عندهم بعد إسبوعين أكون في بانكوك
معقولة غرفهم مازينة
ارجو من المشرفين الإفادة ومساعدتنا

انا مثلك يا بنت الحباب حاجز .بس مب عارف ناس يمدحون الفندق وانا ناس ما يمدحونة وانا منتظر راي اخونا ولد البحرين ومشكوررين

انا سبق سكنت في هالفندق
محاسنه و مساوئه اللي وجدتها كالأتي :
قريب من منطقة العرب و اماكن السهر
مكانه مافيه زحمه وهادي بالليل
الأمن 24 ساعه وماحد يدخل الا من سكان البرج والحارس يفتح الباب فقط لمن يتأكد انه من سكان البرج
اثاثه قديم بعض الشيء وهذي اهم مساوئه
فيه كافة الخدمات متوفره
النادي الرياضي / المسبح / غرفة الغسيل
فطور مجاني الصباح !
اما بالنسبه ادارة العرب والغير عرب هذي اول مره اعرفها
انا كان حجزي عن طريق موقعهم و تم الحجز ايضاً لبعض الرحلات السياحيه عن طريق المكتب السياحي الموجود بجانب الاستقبال
و كل تعاملي معهم كان بكل سلاسه وبدون اي شي
الاستقبال موجودين 24 ساعه وخدومين
طبعاً ربما شي يعجبك ومايعجب غيرك
وبالتوفيق،،،