mosstashar
10-11-2022 - 01:15 am
السلام عليكم
رأيكم في الشقق من حيث النظافة و الخدمة و قربها من الأماكن السياحية
الرحلة ستكون بالطائرة بمعنى ستكون المواصلات بالتاكسي فهل شقق السد قريبة من المجمعات و هل يمكن ان تقترحوا علينا برنامج ل 4 أيام بحيث تكون الاماكن متقاربة
الرحلة لرجل و زوجته و طفلتين
بنسبة لشقق ماعليها كلام وهي حلوه ونظيفه انا للامانه ماسكنتها ولاكن اعرف حد سكن فيها واستانس
وهي في منطقة السد يعني وسط الدوحه وكل شي قريب منكم من مجمعات ومطاعم
بنسبة لي انصحك انكم اتاجرون سياره ومع قارمن جهاز ملاحه علشان اتوفرون عليكم المصاريف بتكاسي ولان ساعات التكاسي اتكون مو متوفره بكثرة
بنسبة للمجمعات فهي كتالي (الستي سنتر & فيلاجيو & الحياة بلازا & الرويال بلازا & الاند مارك & السنتر بوينت & المول )
وعندكم سوق واقف وهو حلو وايد بليل وهو عبارة عن سوق شعبي ولاكنه راقي وحلو وفيه مطاعم وكوفيات ومقاهي
وعندكم متحف الفن الاسلامي وهو حلو وايد وعندكم كورنيش الدوحه تقدرون تمشون فيه وتاخون لكم مركب من الكورنيش ياخذ فيكم لفة وعندكم حديقة الحيوان
وبنسبة لترتيب الجدول تقدر انت اتنسق الجدول على حسب الممعات الي تبون اتزورونها وعلى فكرة الدوحه صغيره وكل شي قريب يعني لا اتحاتون المسافة
وبنسبة للمطاعم فمنطقة السد كلها مطاعم حلوة والمجمعات مثل فيلاجيو والستي سنتر والاند مارك فيهم مطاعم حلوة بعد وسينمات والمجمعات الثانية بعد فيها كوفيات حلوة وسينما ماعاد السنتر بوينت والحياة بلازا مافيهم سينما
واي استفسار تبيه احنا بلخدمة