- السلام عليكم ورحمة الله وبركاته....
السلام عليكم ورحمة الله وبركاته....
اول شي قبل ما اتكلم عن الشقق حبيت اشكر الاعضاء ومواضيعهم في البوابة اللي ساعدتني واخص بالشكر رجل شرقي والحمد لله انبسطنا في النمسا وان شاء الله ارجع لها مرة ثانية...
المهم بقولكم قصتي مع هذي الشقق اللي لقيتها بالصدفة يوم جينا نقدم للفيزا طبعا عطيناهم حجز وهمي في فندق وقمت ادور على شقق فندقية لان حنا عايلة وتعرفون البعض يرتاح في الشقق اكثر من الفنادق بحكم عدد الافراد ... ودخلت مواقع كثيرة ومنها بوكينغ وشفت هذي الشقق بيلا فينا ابارتمنت وشفت الصور وكنت خايفة ان الصور تكون مو نفس الحقيقة والمشكلة اني ابي اكثر من شقة ولا لقيت عندهم الا شقتين ... قلت خليني اسوي بحث عن الشقة في قوقل والحمد لله لقيت موقعهم ودقيت تلفون عليهم وماردوا وكنت خايفة انهم مايقبلون الحجز الا بالنت المهم شلتها عن بالي قلت خلاص اكيد مافي امل ويوم جاء الصباح الا رقم الشقق يدق وتكلمنا مره وقالت انتوا متصلين قلنا اي المهم قالت متوفرة الشقق واللي تبون بيصير وقالت 100 يورو على الشقة قلنا زين وعلى كذا عطتنا شقة للأطفال مجانا والاحلى من كذا انها تبعد عن شارع ماريا هلفر 200 متر يعني مشي ...وقلنا لها طيب ماتبين فلوس نرسل لك قالت ولاحاجة بس ابي التاريخ اللي بتجون فيه ...المهم انا خفت وقلت خليني ارسل لها ايميل اضمن لي وردت بالموافقة وكل شي تمام والحمد لله ....
ووصلنا فيينا ووصلنا الشارع وانصدمت في البداية من واجهة العمارة:shocking::shocking: قلت مايصير هذي الشقق يعني كانت عادية قلت الله يعين توهقت الحين شسوي .. بس يلا نصبر وندخل الشقق انا ماني قاعدة على الباب وجاتنا المسؤولة عن الشقق وكانت في قمة الاحترام والاخلاق وقالت لنا السلام عليكم واسمها دينيسا تجنن هالبنت واطلعت مسلمة والحمد لله طلعت الشقق نفس اللي شفناها
والاغلب انها نظام استديو وبعضها يصير صالة وغرفة وانت وحظك .
وهذا موقعهم على النت وفيه عنوانهم
http://font size=
وسامحوني على المقدمة الطويلة .... والحين مع الصور:هذي الصالة
وهذا شكل ثاني لصالة من شقة ثانية
وهذا الكنبة الحمراء وبتشوفون الدولاب موجود هذي الصور في نظام الاستديو
وهذا المطبخ تحضيري بس يعني تسوي شاي قهوة
وهذي الطاولة
والتلفزيزن البلازما ومعه ريسيفر بس على الهوت بيرد والحمد لله صار فيه بعض المحطات العربية والاما انصح احد يفتحه
وهذا السرير
وهذا الحمام الله يكرمكم
وهذا الجهة الخلفية اللي تطل عليه الشقق
ملاحظة: يوجد تنظيف يومي للشقق
والمبنى ليس كله ملك للشقق اي بمعنى الشقق في الدور الثاني والثالث والخامس فقط
تحياتي: سياحية واي اسئلة حاضرين للطيبين
الا بكم تكون الليلة هناك