وعليكم السلام ورحمة الله وبركاته
هلا وغلا ولد ديرتي ..
لوا عندك رسايل خاصه كان دزيتلك العناوين ولكن للأسف شيكت عليك ومالقيت عند خاصية الرسائل الخاصه
بحاول ادزها لك عن طريق الإدارة ان شاءالله ..
اموفق الغالي ..

ياليت لان الحين سكنت في
kensington gardens square
هناك فندق او شقق فندقية عندة ستوديو خذته ب 660 في الاسبوع
رهيب صراحه جديد جداً
وأثاثه جديد جداً جداً جداً جداً جداً
وفي انتظارك وانتظار موافقة الادارة

ابشرك انحلت المشكلة وصباح الخير يالادارة
لقيت شقه رهيبه في بداية البيز ووتر
صراحه الحمدلله الله عوضني خير
رهيبه جداً جداً وهاديه
وخذتها ب 650 صح غاليه مقارنه بغيرها بس اللي قبلها كنت ماخذها ب 660 وهي ماتستاهل ومكانها مايسوى كانت ورى الوايت ليز
بس كامله والكامل وجه الله أثاث وكماليات وتلفزيون بكل القنوات العربية و
ماقصرت يا القطري اعتبر خدمتك وصلت

السلام عليكم ورحمة الله وبركاته
هلا وغلا ولد ديرتي
وسامحنا على القصور ..
الله يضى عليك الشقه الي حصلتها كم غرفه ؟

غرفة وحدة وصالة ومطبخ واجلك الله حمام
وهادية بطريقة رهيبه ومريحه جداً ماشاءالله نفسياً انا جداً ارتحت فيها

هلا وغلا ولد ديرتي ..
ان شاءالله ترتاح دوم ..
بس السعر كأنه غالي أشوي ..
السعر ايكون مابين 400 إلى 450 باوند إذا كانت الشقه غرفه وحده ..
ولكن دام انك مرتاح فعليك بألف عافيه

لو سمحت أخووي ممكن اسم الشقق !!! و شكرآآآآآآآآآآآآآ ..

الغالي القطري
انا لقيت بهالسعر ولقيت ارخص بحوالي 350 بس ماتسوى كلش ماتنفع للحياة البشرية
وثاني شي لعبوا فينا السماسره كل واحد فيهم ضارب ضربته في الشقه كم مره
والحين بما اني استقريت في مكان زين بدور على راحتي لين الاقي مكان ارخص
لانه المشكله اني مطول في بلادك

اخت مضاوي
الشقق مالها اسم لانه عماره او مبنى فيه اكثر من شقه ملك اصحابها اجانب وفيها شقتين فوق بعض وحده لقيت فيها عايله كويتيه وانا خذت الثانيه
ولقيتها عن طريق مكتب Golden Eagle
اللي في
portman street
كنت ابي شقه هناك وقالوا لي كل اللي هنا فل بس فيه مكان ثاني وش رايك تشوفه
قلت لهم توكلوا على الله ولما شفت الشقه شبصت فيها "يعني تمسكت فيها"
العمارة او المبنى مطل على الهايد بارك وفي بداية البيز ووتر يعني اكسفور ستريت قريب والادجواروود قريب والهايد بارك خطوه وحده "بس لو يوقف المطر شوي" وترى انا حاضر لأي خدمه للربع كلهم دامني موجود وماعندي شغل الا عقب اسبوعين