مرحبا اخوي
ممكن سؤال يعني انت تبي شقة غرفتين او اذا انتو عائلتين ليش ماتاخذون شقتين مشاهدات بعظ
وانا كان عندي رد مفصل عن هلشيا وبحطلك رابك موضوفيفيدك اكيد
https://artravelers.com/p/re/270121
وهذي مواضيع اقراه وراح اتفيدك وفيها بعد روابط مواضيع ثانية
اتمنى تستفيد منها
وانت امر وانا بلخدمة حبيبي
واي سؤال مايردك الا الكيبورد
تحياتي

موفق خير أن شاء الله

تسلم لي يا حبيب ألبي يا حلو يا مدلع فديتك عاد حلو ومدلع الله يعينا عليك ههه
حبيب ألبي احنا عيلة وحدة بس ويانا اخوي وزجته يعني نبيهم معانا في نفس الشقة بس لهم غرفة لحالهم واحنا لنا غرفة لحالنا او غرفتين اهم شيء عالاقل 4 اسرة لنا ولهم سرير عائلي
تسلم لي

مرحبا حبيبي ومشكور على الكلام الحلو
انا نسخت لك رد لمشرفتنا يمكن تستفيد عنه وهو عن غراند الدوحه

• __

شقق دوحة غراند
54433007
دوار السنتر
من جسر الجيده باتجاه دوار السنتر وتقاطع رمادا
3 غرف 3 حامامات صالة ومطبخ مع التظيف
الانترنت مجانا السعر لليلة 1200 ريال قطري
2 غرف و2 حمام وحمام وصالة والتظيف والانترنت 1000 ريال قطري
سويت سرير كبير مع صالة وحمام والتنظيف اليومي والانترنت مجانا600 ريال
سويت بسريرين وصالة ومطبخ والتنظيف يومي وحمام 550 ريال

• _______

وعلشان اتعرف اني ابي اساعدك راح اتصل شخصياّ في الشقق الموجود في هلموضوع واسالها عن الاسعار وعن كل شي
وهذا الموضوع اذا حاب ترجعله
https://artravelers.com/p/re/178232
وان شاءالله امهلني ساعه وراح ارد عليك واقولك اشصار معي
وانا بخدمة زوار قطر وغالي والطلب شربات يا حنون
تحياتي

1. السعر شامل الضريبة وهو 1250 ريال لليلة


2. سويت سرير كبير مع صالة وحمام والتنظيف اليومي والانترنت مجانا600 ريال


3. سويت بسريرين وصالة ومطبخ والتنظيف يومي وحمام 550 ريال

مرحبا اخوي رجعت لك
وانا اسف على التاخير بس لاني رحت الجامعه وديت
نرجع لموضوعنا انا اتصلت في كذا شقق وسويتات وبقولك الي قالوه لي
اول شي
شقق الليوان هي عبارة عن ( غرفة واحده + مطبخ + صاله + حمام )
السعر شامل الضريبه والريوق وهو 900 ريال لليلة
رقم تلفونهم مع فتحت الخط /009744242888
شقق لي بارك وهي عبارة عن ( غرفة واحده + مطبخ + صاله + حمام )
السعر شامل الضريبة والريوق وهو 930 ريال لليلة
رقم تلفونهم مع فتحت الخط /009744255555
شقق سراج ان فرع ام غويلينة وهي عبارة عن ( غرفة واحده + مطبخ + صاله + حمام )
السعر شامل الضريبة والريوق والانترنت مجاني وهو 350 لليلة وانا مجربها شخصيا
رقم تلفونهم مع فتحت الخط /009744440230
شقق رتاج الشرق وهي عبارة عن نوعين النوع الاول
الشقق الصغيره وهي عبارة عن (غرفتين + مطبخ + صاله + حمامين )
السعر شامل الضريبه هو 850 ريال لليلة
ملاحظة وهي ان الغرفتين وحده كنغ باد يعني سرير زوجي والثانية كوين باد يعني سرير واحد اصغر من الاول ابو نفر ونص وان شاءالله اتكون فهمت قصدي
النوع الثاني وهي الشقق الكبيره وهي عبارة عن (غرفتين + مطبخ + صاله + حمامين )

السعر شامل الضريبة وهو 1250 ريال لليلة

ملاحظة وهي ان الغرتين وحده كنغ باد يعني سرير زوجي والثانية توسنجل باد يعني سريرين مفصوله وتقدرون اتظيفون بعد سرير اظافي واحد وسعره 100 ريال لليلة وهل خدمة ماتقدرون اتسونها بشقة الصغيره لان مساحتها صغيره ومافي مكن بس بشقة الكبيره تقدرون والفرق هو حجم الشقة وفي اعضاء اكثار امدحوها وعلى ماعتقد تصنيفهم 5 نجوم واذا انا غلطان حد يعدل
رقم تلفونهم مع فتح الخط / 009744528888
شقق المنتزه بلازا وهي عبارة عن (3 غرف نوم + مطبخ + صالة + 2او3 حمامات الصراحه مو متاكد )
السعر شامل الضريبة والريوق ل5 اشخاص والانترنت وهو 1265 ريال لليلة الوحدة
رقم تلفونهم مه فتحت الخط /009744355677
شقق دوحة غراند
5009744433007
دوار السنتر
من جسر الجيده باتجاه دوار السنتر وتقاطع رمادا
3 غرف 3 حامامات صالة ومطبخ مع التظيف
الانترنت مجانا السعر لليلة 1200 ريال قطري
2 غرف و2 حمام ومطبخ وصالة والتظيف والانترنت 1000 ريال قطري

سويت سرير كبير مع صالة وحمام والتنظيف اليومي والانترنت مجانا600 ريال

سويت بسريرين وصالة ومطبخ والتنظيف يومي وحمام 550 ريال

وتعتبر مكانها حلو وفي واحد اعرفه جربها مدة شهر كامل كان عنده دورة وكان مرتاح فيها ويمدحها وايد وخذة منه 7 او 8 الاف بس هو كان بروحه يعني اكيد اخذ السويت الي ب600 بس شوف الفرق يعني لو هو كل يوم بيدفع كان خذو منه 18 الف ريال بس لانه قعد معاهم شهر سوله خصم معتبر
واخر شي عندك السد سويت عندي واحد اعرفه بعد جربها ويمدحها بس الصراحه ماعرف عنها شي
لان تعبت وانا اتصل عليهم يقولي خطاء بلاتصال مادري شسالفه مو راضي يشبك معي
واتمنى الاعضاء يفيدونا عنها ورقمهم مع فتحت الخط /009744323631

• __________________

بنسبة لرايي انا انصحك برتاج الشرق لانه يستاهل والاعضاء مدحوه ومكانه حلو
وبعد انصحك في غراند الدوحه & والسراج ان
لان هم الي اعرفهم اما الباقي ماعرفهم الصراحه
وكل شي صار عن طريق التلفون وانا اتصلت شخضيا وكتبتلك الي قالوه
اتمنى اني ساعدتك لو بلقليل
واي استفسار ثاني لا يردك الا الكيبورد
وانا اعيوني لضيوف قطر
تحياتي

حلو ومدلع
اخوي حلو ومدلع والله انك ذيب ماشاء الله عليك فديت خشمك والله يوفقك بدراستك لاني شفت رد لاختنا المشرفه عن شقق السراج تقول ب 775 ريال والحين شفت ردك ب 350 سعر مناسب لي (معليش داش عرض ... في موضوع الاخ ...) وين مكان هالشقق وين ام غويلينه .. يعني اي صوب يمكن اكون مريت علي المنطقه وانا مدري يعني ابي توصيف مايخرش الميه مب اضيع ومايردني الا ام صلال مدري ام طلال
وبصراحه ردك يعتبر ردي ثري ملي بمعلومات طازجه

السلام عليكم الحقيقه معلومات وافيه وماقصرت على هالمجهود الطيب

بس شلون اسعار المعيشه في قطر مثل البحرين او اقل المطاعم الاسواق التكاسي

wesper
الاسعار نار ماتقارن كلش بالبحرين لامطاعم ولا اسواق ولاسكن كلش غالي مثلها مثل الامارات
الارخص حاليا البحرين والسعوديه ويمكن الكويت ...