مرحبا
انا اجيت من شرم والقاهرة من اسبوعين و طبعا انا ماعندي هواية اكتب تفاصيل الرحلة لانو الناس بهمون انو يستفيدوا من بعض الامور اللي وجدتها بالرحلة و الملاحظات
اول شي مطار القاهرة كان كتير حلو وكبير وحسيتو متل مطار اسطنبول مع انو ديوتي فري حلو بس مو كبير نسبة لمطار متل هالمطار كان التعامل سهل و مريح
مطار شرم حلو وصغير و انيق انا رحت عشرم اول شي مدينة نظيفة و حلوة و سياحية انا رحت للشيراتون وبصراحة كتير حلو فيبعض الاعضاء قالوا انو الغ رف عتيقة وتعامل العاملين مومنيح انا ماوجدت هالشي و اللي بدو يريح حالو بروح وبيعود فيه بس مشكلتو انو بعيد يعني موبشارع السلام ويحتاج لتاكسي يعني اذا كانوا مجموعة اربعة او تلاتة مومشكلة بيتقاسموا السعر مع بعضون بس بصراحة روعة و طبير وفي حدايق متل الحدايق المعلقة والشط حلو و في شي تلت مسابح و البوفيه المفتوح ولا اروع و الجراسين كتير مرتبين ومتعاونين
بس اللي بدو شي قريب من الخليج و المدينة يروح للماريوت لانو دخلتلو حلو كمان و اللي بميزو انو ممكن اذا الواحد جاع وبدو ياكل ماضروري يعود ياكل بالاوتيل ممكن ياخد سندويش او يعود بمحل بخليج نعمة
الميركاتو حلو بس كتير عادي ولا في محلات ولا شي كلون كم محل للالبسة بس اللممكن الواحد يتصور فيه بس الملفت ما في ناس ؟ يعني شبه فاضي ؟
طبعا بمصر في ضريبة خيالية 22 بالمية؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ يعني غلاء غريب
لاتنسوا تروحوا لالف ليلة ولية كتير حلو في عرض للصوت والضوء ورقص و تحف و مناظر بتجنن
عرض الدلافين حلو و الغلاس بوت لاتنسوها و رحلة بحرية للجزيرة تيران
المدينة القديمة عادية بس فيها كافيه اسمو مشوار حلو و رخيصة ارخص منالخليج
القاهرة؟ زحمة موت اهم شي اللي بدو مولات و بدو يتسلى و مطاعم حلوة يعود بمدينة نصر و بيبقى بروح للنيل بشوفو للنيل
انا اعدت برمسيس هيلتون المشكلة بعيد عن مدينة نصر تخيلو ساعة بالتاكسي؟
الاوتيل حلو ومرتب بس مو فم كتير فيه المطعم الايطالي كتير حلو واكلو طيب طبعا غالي بس هدا شي طبيعي و البوفيه عند الفطور كتير طيب
اهم شي تركب الحنتور انا ركبتو واعتقدانو غالي ب 50 جنيه للفة الكبيرة و كانت حلوة الجولة و لاتنسى القرية الفرعونية حلوةةةةةة كتير و لازم تشرب عصير برتقان طبيعي وتاكل عيش سخن
وتاخد صور احلى الشي المعبد والمقبرة والمتاحف للملك فروق ومحمد علي و السادات
بالقاهرة مافي مولات وماركات غير بمدينة نصر
مول رمسيس جدا عادي باستثناء دور السينما مرتبين
اركاديا مول اقل من عادي ؟
طلعت حرب شارع حلو بس كمان مافي تسوق
النصائح لا تشتري من منطقة الاهرامات سوفونير و هدايا غالي و بيكونوا الغايد متعمل معون انا انضربت فيون
روح لطلعت حرب وشارع بسيوني بتلاقيون ارخص
بس اشتري البردي من منطقة الاهرامات خدلك لوحة واكتب اسمك بالهيروغليفي
اركب بتاكسي اللي يشتغلو بالعداد ولازم تقلوا شغل العداد و بدفع حسب العداد االتاكسيالحديثة يعني مو القديمة
خط فودافون 50 جنيه وفي شحن بعشرة و 25 و50 100
وروح للمتحف المصري بنص البلد حلو بتتصور بالحديقة الصور حلوين وسعر الدخول رخيص
عفكرة الاسعار بالنسبة للتذكارات بشرم متل القاهرة حتى باوتيل الشيراتون بشرم شفت سوفونير مالقيتون بالقاهرة وبسعر معقول بس فكرت القاهرة ارخص
و بتمنى تكونوا كونتوا شوية افكار ومعلومات باي