بالنسبه لشرايح التلفون لا تاخذين من المطار لانه اغلى اتحصلينهم بالبقالات و محلات التلفونات في الشارع وانتي ماشيه و
احسن نوع للاتصال بالدول العربيه happy لون القوطي احمر وايد زين و مايصرف وايد و يستخدم حق تايلند كلها ..
و بالنسبه للصالونات :
انا اروح صالون في مجمع سينترال فيستافول اسمه cute & cure واصبغ شعري عندهم و اقص و سوي كل شي حده
اينن الصالون في الدور الثاني و لراح تلقين من بين الموضفين واحد جنس طويل بس شغله اين وايد
الصالون والي يشتقلون وايد بروفشنال عارفين شقلهم و الاضافر هم نفس الشي وايد في اماكن اتينن حق الاضافر في
مجمع جونسيلون و انطاف .. تلقينهم يم كارفور وايد وارخاص
اسعارهم: انا اسوي شعري 3 الوان صبغ + سشوار + قسيل شعر + قص شعر كلفني = 5000 بات = 40 د.ك
والاضافر: منكير و بدكير + فرنش منكير ايد و رجل = 1200 بات = 10 د.ك
و بالنسبه للمحجبات في صالونات اتقولين لهم انا متحبه و ابي اصبغ شعري عندهم اماكن للمحجبات
بس نصيحه الصبغ في بوكت ما يتطوف
وايد دقيقين وايننون
اتمنى افدتج من تجربتي

ما قصرتي حبيبتي على هالمعلومات اللي توسع الصدر بس حبيت اعرف اذا ممكن بالنسبة للمجمع السينترال فيستفال في بوكيت ولا بانكوك ؟؟؟؟ ووين موقعة بالظبط؟؟ وبالنسبة للاظافر .... عنهم اللي يطولون الاظافر ويسوون شغلات حلوة و رسومات ؟؟؟ انا شفت وحدة مسوية اظافرها في تايلند ... بس وايد حلوة ... بس ما سالتها وين الصالون .... سوري ازعجتج باسالتي و شكرا مقدما

مرحبآإ اختيه
عن البطآيق شرآت مآ قآإلت لج الأخت ترومين من البقآإلآإت اللي هنآإك (سفن إلفين) اذا مابتعرفين عطيهم
و عن الصوآإلين ام انآإ الصرآإحه مآقد رحت إلآإ مره لأني بصرآإحه أخآإف تكون أغرآإضهم مب متعقمه عدل >< معقده صح ههه
بس الصآإلون اللي رحته مآإ ذكر اسمه بس بشرح لج وين
هو تقريبآإ جدآإم فندق زينيث قرب المطعم المصري
و الصآإلون بس للحريم و للمتحجبآإت قوليلهم انتي عسب يآإخذون احتيآإطآإتهم بعد

ما قصرتي حبيبتي على هالمعلومات اللي توسع الصدر بس حبيت اعرف اذا ممكن بالنسبة للمجمع السينترال فيستفال في بوكيت ولا بانكوك ؟؟؟؟ ووين موقعة بالظبط؟؟ وبالنسبة للاظافر .... عنهم اللي يطولون الاظافر ويسوون شغلات حلوة و رسومات ؟؟؟ انا شفت وحدة مسوية اظافرها في تايلند ... بس وايد حلوة ... بس ما سالتها وين الصالون .... سوري ازعجتج باسالتي و شكرا مقدما
سينترال موجود في بوكت.. ما اذكر اسم المنطقه بس بعيد عن بتونج بالسياره يمكن 20 دقيقه .. نصيحتي اخذي سياره من الفندق لانه ابتطلع عليج ارخص من التاكسي لانه راعي التاكسي بيقولج انه بعيده و راح ياخذ واايد .. فاذا خذيتي سياره من الفندق قوليلهم(مجمع سنترال فيستافول )و ابي روحه ورده لانه المنطقه بعيده و تكاسيهم غاليه لانا ماكو الا الشركه الي بالمجمع واسعارهم غاليه .. واتفقي مع السواق الي بياخذج قوليله الساعه مثلا 10 انتا اتينه واخذي رقمه عشان تتصلين فيه .. اهوا مجمع كبير و في سرداب سيارات و يمكن 4 ادوار على ما اعتقد و حيل كبير و كشخه و في ماركات بعد و في WB (ورنر برذر) و في جمعيه و في مكتبه في السرداب يم المواقف فيها كل اغراض المكتبه من مكاتب ,كتب ,اوراق ... وفي نفس المجمع في ستار بكس برا المجمع يطل على نافوره (( لازق بالمجمع بس من بره ) .. اذا شفتي هالاشياء بتاكدين انج فيه و اهوا مكتوب اسمه كبير من بره .. ايي و في سينما في الدور الاخير و حوالينها العاب الكترونيه بالفيشه و مطاعم ...
واذا لا سمح الله ما عجبج الصالون cute & cure في بنفس المجمع وايد صالونات افتري عليهم ونقي الي ايعجبج شغلهم
و عن الاظافر كل مكان عندهم الرسم على الاظافر و تطويل الاظافر واذا دشيتي محل ما عنده روحي الي يمه اهما وايد يم بعض و يمكن اتحصلين اب صالون الشعر cute & cure ساليهم اذا عندهم لانه هذا الصالون شغلهم ما ايتطوف يعني ..
اتمنى اكون افدتج .. و اذا عندج سؤال لا تترددين

افضل شريحة اتصال فى تايلند مسبقة الدفع هى one2call وتباع فى كل مكان حتى سوبر ماركت 7ELEVEN

دلوعة بوظبي
مشكورة اختي دلوعة بو ظبي .. ما قصرتي .. ما نستغنى عن معلوماتكم

بعد عمري والله (( فديته )) صراحة انتي ماشالله عليج .. معلوماتج ووصفج يبرد القلب .. انا اول مرة اروح تايلند وكنت متخوفة منها.. بس دخولي لهالمنتدى واايد فادني ... وردودج ردود الاخوان والخوات .. الله يعطيهم العافية .. ولكم مني احلى تحية

EAST LOVER
مشكور اخوي ايست لوفير .. وراح اسجل هالمعلومة .. تسلم

في طريقه حق شرائح شركه
one2call
وهي اضافه رقم 9 قبل الرقم الدولي
يعني الرقم الدولي
5خليه
5راح تكون الدقيقه ب 7 بات ارخص حتى من المسج
انا استخدمه دائما