shyoom1
17-12-2022 - 08:25 pm
السلام عليكم
اخواني انا راح اسافر تايلند الشهر الجاي بإذن الله
فكرت اني اخذ لي شنط ماركات تقليد درجة اولى بعدد بسيط لا يتجاوز 10 قطع وابيعهم عالاهل
وملابس شوي بعدد قطع لا تتجاوز 30
المشكلة اني تخوفت من بعض الناس يقولون ان ممكن يسون لي سالفة بالمطار ويصادرون اغراضي لان ممنوع ناخذ ماركات تقليد لان يعتبرون فيها غش للماركة ( مع ان التقليد تارس الاسواق بمختلف درجاته!)
او ممكن يعتبرونها بضاعة ولازم افتح سجل!!
وناس قالو لي عادي لان العدد الي بجيبه بسيط ويعتبر استخدام شخصي ؟
سؤالي حق الي اخذو مثل هالكمية البسيطة من المستلزمات هل راح يسون لي شوشرة بمطار البحرين او الموضوع عادي؟
لان من زمان ودي اترزق شوي بس متخوفة من هالامور وقلت راح ابتدي بشي بسيط
وهي بالمرة سفرة سياحة لتايلند
السؤال الثاني:
وين الاسواق الي تبيع شنط ماركات تقليد درجة اولى ( درجة اولى تحتها خطين)؟؟؟
مابي التقليد الخرطي
وكم الاسعار تقريباً للشنطة ؟؟
السؤال الثالث ماله علاقة بالسوق
انا راح ازور بوكيت كم يوم وعجبتني المنتجعات الراقية مثل بنيان تري وsix senses
هل يصير ازورهم زيارة فقط؟؟ مثلا اتغذى بمطعم هناك بدون ما اكون ساكنة المنتجع والا ممنوع؟!
شاكرة لكم مساعدتكم مقدما
عموما انا بكل مرة اروح كنت اييب ساعات تقليد وشنط طبعا للهدايا والاستخدام الشخصي ومحد كلمنى وكنت ايب عدد مو قليل ،، اللي عليكم تسوونه اذا عندكم اكثر من شنطة وزعوا الاغراض عليهم بحيث ما تخلون كل المشتريات في شنطة وحدة وهذا اللي يخليهم يشكون اما اذا توزعت فهم ما بيعرفون ان الشنط لكم فتمشي السالفة ان شاء الله ،،
التقليد الدرجة الاولى التايلندي والكوري مرتفع سعره واحيانا ما يفرق كثير عن سعر الاصلي يعني بالراحة شنطة تقليد توصل 60 الى 70 دينار ،، عموما منطقة العرب في محلات كثير بها تقليد ممتاز وباسعر نوعا ما مقبولة والمحلات معروفة مثل : فريدة علي ، حفيظ ، جاكي ، اوم ،وغيرهم ،، وفي بعد محل بمجمع نانا سكوير اللي بمنطقة العرب الطاب الثاني فوق في بحل بالزاوية مخبي البضاعة بغرفة داخل المحل ،، اسعار المحلات ذي تبدأ من 1500 بات يعني من 18 دينار وطالع حسب التقليد والماركة
اخيرا ،، بالنسبة للمنتجعات والفاندق اللي ناوين تزورونها سواء لتناول وجبة او استخدام المرافق ،، طبعا مسموح وغير ممنوع المطاعم مفتوحة للزوار طبعا ،،