أولاً: رحلة سعيدة وتصلين بالسلامة.
ثانياً: سؤالي لكِ لية تأخذي كل هذا الطعام معكِ؟
بالنسبة للبهارات أنتِ قادمة إلى بلد مليئة بخلق الله من جميع أنحاء المعمورة، أشي مكسيكاني على أسيوي على هندي على عربي على باكستاني، والبهارات متوفرة هنا أشكال وألوان وبأرخص الأسعار بس دوري عليها في محال الجاليات وما أكثرها في سان فرانسيسكو وسان هوزية ومابينهما، نصيحتي لكِ لا تحضري أي بهارات معكِ إلا إذا كان شئ خاص جداً أو نادر جداً وخائفة ألا تجدية هنا، بالنسبة للتمر نفس الشئ.
أما بالنسبة للدقيق (الطحين)،
ألطحين هنا أشكال وألوان ومن أفخر الأنواع وبيبدأ بدولار للكيس الخمسة باوند.

الله يجزاك خير اختي ماقصرتي بس لو مهما كانت المدينه متوفر فيها كل شي في اشياء خاصه جدا بنا كسعوديين او
بالاخص اهل نجد خصوصا البهارات مستحيل تكون متوفره ومانستغني عنها بالاكل
بس انتي جالسه تضحكين ومارديتي على استفساري بشان شحن العفش كيف؟؟ خلّي الطحين على جنب

لا تزعلين ولا يضيق صدرك خذي الي تبين اهم شي يكون مغلف صح وعليه تاريخ انتاخ وانتهاء لو انتي تسوينه عادي ..فيه الطيار تشحن والمويد كمان كلها مجربه وتوصل للمطار وانتي تستلمينها واسعارها معقولة اذا بغيتي للبيت البريد السعودي يوصل للبيت بس غالي شوي انا جربت الممتاز مدري المسجل وصل للبيت في حدود ايام بس علي كلام الاهل انه اغلي من الطيار ...الله يوفقك ويسهل امرك...

مشكوره اختي نجمه النجوم ريحتيني بردك بس الطيار انتي تقصدين مكتب الطيار للسفروالسياحه ؟؟ واذا كنت طيب
بحطها بشنطه واشحنها معاي مع شنطي مافيه مشكله عادي ..

أنا مره كنت مسافر و نزلت فى سان فرانسيسكو و اصلا لو فتشوا الشنطة كان ما خلوا فيها شي .. مليانه أكل فرش
و الحمد لله الله ستر
بس مثل ما قالت الاخت
الاكل حطيه فى علب بلاستيك و حطي عليه استكر تاريخ الانتاج و الانتهاء .. و شلي معاج اللى تريدينه بش شرط تغلفينه بطريقة ما تثير الشبهه ... بصراحه عندهم بهارات لكن مش نفس بهاراتنا .. و يا تحصلين او ما تحصلين .. توكلي على الله

انا اعطيك تجربتي ارسلت الاشياء الثقيلة واخذت معي في شنطة القهوة والهيل وبهارات وتمر ولما سالوني معك اكل قلت ايه قهوة عربية وتمر ولا طلو في الشنطة ولا فتشوها فيمكن مايدققون بس لازم الواحد يكون متطمن الشحن بالشركات اضمن والي اقصده الطيار للشحن نفس الشركه بس خاص للشحن توصل للمطار وتروحين تستلمينها من هناك والبريد السعودي يوصل للبيت ولا تفتح ولا احد يفتشها انا لما كنت هناك ارسلولي اهلي عن طريقه اشياءتنذكر وماتنذكر خرابيط رمضان كلها ولا احد فتحها ولا شافها بس الطيار تفتش بس مايوخذ شي .....شكلي قصيت قصة حياتي؟؟

يمال العافيه يابنات الله يجزاكم خير ان شاءالله ويجعله في ميزان حسناتكم

Iron Cobra
بصراحة انا تعبة من البهارات الى هنا وخليت الاهل يرسلونها لي من السعودية حنى لنا نكهتنا وطريقتنا في الطبخ