حياك الله
بتكلم عن تجربتي
أنا دخلت معي قهوه وهيل وتمر (القهوه لازم تصير محموسه ومطحونه والتمر يكون مغلف وعليه تاريخ صلاحيه )
العيش اعتقد مافيه مشكله اذا صار مغلف وعليه تاريخ صلاحية والبهار مثله لاني دخلت بعض البهارات ولا قالوا شي لكن رفضوا بعض البهار مادري وش السبب

1. اختي رانيا ...

اختي رانيا ...

مثل ماقال لك اخي تركي المواد الغذائية المغلفة تغليف مصنعي يسمحون بدخولها شريطة ان يكون عليها تاريخ انتاج وانتهاء بالميلادي ... وبنفس الوقت لابد من ذكر جميع المحتويات سواء كان الشحن معاكم على نفس الطائرة او حتى شحن جوي ... وللمعلومية اذا شحنتوا الاغراض قبل باسبوع ... راح تكون الاجراءت طويلة ... ابتداء بالذهاب الى الشركة التي وصلت لها الاغراض واخذ ورقة بذلك ... ومن ثم تذهبون الى مبنى بعيد داخل حدود المطار وهو مبني الجمارك واخذ رقم ومن ثم الانتظار وبعدها تعبي ورقة طويلة عريضة واسئلة تدوخ الراس ... ومنها على سبيل المثال هل انت من شحن الاغراض بنفسك او لا ... وهل يوجد معاك اي محتويات فيها اية اخشاب او او او او الخ ... وبعد ماتعبي الورقة تسلمها للموظف ويقول لك انتظر ... وبعدها تاخذ الورقة الى كوانتر اخر وفيها يدخل كل البيانات بالحاسب الالي ويتاكد من بعض الشغلات ... وبعدها يعطيك فاتورة لكي تدفع مبلغ حوالي 60 دولار استرالي ... تذهب للكاشير وتدفع وبعدها ترجع لنفس الموظف على شان يختم لك الاوراق ... واخيرا تذهب الى الشركة وتدفع ايضا مبلغ وقدرة لكي يسلموك الاغراض ... تاخذ الاغراض وترجع مرة ثانية الى مبنى الجمارك لكي يتم تفتيشها ... وبعد تتكل على بيتك ولا على الفندق بعد عناء ثلاث ساعات ترفع الظغط ... هذا جزاء من معاناتي المستمرة عند شحن اية اغراض الى استراليا ... لكن مجبر اخاك لا بطل ...
اتمنى الصورة وضحت ...
تحياتي ...

أخي تركي أشكرك على ردك في موضوعي وعلى المعلومات اللي كتبتها
أخي the Immigrant أشكرك على هذي المعلومات المفيدة بس أخوي يعني تنصحني أني أشحن الأكل معاي بالطائرة ويعني لازم أكتب لهم بالتفصيل كل نوع أكل موجود في الشنطة ؟؟؟